గ్లోబల్ స్టార్ రామ్ చరణ్ తన 40వ పుట్టినరోజును అభిమానుల ప్రేమాభిమానాల నడుమ ఘనంగా జరుపుకున్నారు. ప్రపంచవ్యాప్తంగా ఆయనకు ఉన్న ఫ్యాన్స్ సోషల్ మీడియా ద్వారా విషెస్ చెబుతూ తమ అభిమానాన్ని చాటుకున్నారు. ప్రత్యేకంగా, జపాన్‌కు చెందిన ఓ మహిళ తన అభిమానాన్ని అద్భుతంగా వ్యక్తపరిచింది.
జపాన్‌లో రామ్ చరణ్ పై అభిమానం
రామ్ చరణ్ అంటే ప్రత్యేకమైన అభిమానాన్ని కనబరిచే ఓ జపాన్ మహిళ తన చీరపై తెలుగులో ‘రామ్ చరణ్’ అని రాయడమే కాకుండా, చెర్రీ ఫొటోను కూడా ముద్రించుకుంది. అంతే కాకుండా, ఒక ప్రత్యేక టేబుల్ ఏర్పాటు చేసి, రాంచరణ్ ఫొటోలను దానిపై ఉంచి బర్త్ డే వేడుక జరిపింది. తన టీషర్టులపై, సంచులపై, ఇతర వస్త్రాలపై కూడా చెర్రీ ఫొటోలను ముద్రించి తన ప్రేమను వ్యక్తపరిచింది. ఈ చిత్రాలు సామాజిక మాధ్యమాల్లో విపరీతంగా వైరల్ అవుతున్నాయి. ఇక రామ్ చరణ్ పుట్టినరోజు సందర్భంగా మేకర్స్ ఆయన తాజా చిత్రం ఆర్‌సీ 16 ఫస్ట్ లుక్‌ను విడుదల చేశారు. బుచ్చిబాబు సానా దర్శకత్వంలో రూపుదిద్దుకుంటున్న ఈ సినిమాకు ‘పెద్ది’ అనే టైటిల్‌ను ఖరారు చేశారు. పోస్టర్‌లో రామ్ చరణ్ గుబురు గడ్డం, పొడవాటి జుట్టుతో ఊరమాస్ లుక్‌లో అదరగొట్టారు. ఈ చిత్రంలో రామ్ చరణ్ సరసన బాలీవుడ్ నటి జాన్వీ కపూర్ కథానాయికగా నటించనుండగా, శివరాజ్ కుమార్, బాలీవుడ్ నటుడు దివ్యేందు, జగపతిబాబు వంటి ప్రముఖులు కీలక పాత్రల్లో కనిపించనున్నారు. సెన్సేషనల్ మ్యూజిక్ డైరెక్టర్ ఏఆర్ రెహమాన్ సంగీతాన్ని అందిస్తుండగా, మైత్రి మూవీ మేకర్స్, వృద్ధి సినిమాస్, సుకుమార్ రైటింగ్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. భారీ బడ్జెట్‌తో తెరకెక్కనున్న ఈ సినిమా, చెర్రీ కెరీర్‌లో మరో మైలురాయిగా నిలవనుంది. రాంచరణ్ 40వ పుట్టినరోజును పురస్కరించుకుని అభిమానులు ఆయన సినీ ప్రయాణాన్ని గుర్తుచేసుకుంటున్నారు. మెగాస్టార్ చిరంజీవి వారసుడిగా సినీ ఇండస్ట్రీలో అడుగుపెట్టి, ‘మగధీర’, ‘రంగస్థలం’, ‘ఆర్‌ఆర్‌ఆర్’ వంటి బ్లాక్‌బస్టర్లతో తనకంటూ ఓ ప్రత్యేకమైన గుర్తింపు తెచ్చుకున్నాడు. పాన్ ఇండియా స్థాయిలో తనను ప్రూవ్ చేసుకున్న చెర్రీ, ఇప్పుడు గ్లోబల్ స్టార్‌గా ఎదుగుతున్నారు. ఈ బర్త్‌డే సందర్భంగా ప్రపంచవ్యాప్తంగా రాంచరణ్ ఫ్యాన్స్ భారీ సంబరాలు చేసుకున్నారు.
పవర్ స్టార్ పవన్ కల్యాణ్ అభిమానులకు గుడ్ న్యూస్ ఆయన ప్రధాన పాత్రలో తెరకెక్కుతున్న అత్యంత ప్రతిష్ఠాత్మక చిత్రం ‘హరిహర వీరమల్లు’ పై కీలక అప్‌డేట్ చిత్రబృందం Read more
మయన్మార్ , థాయ్‌లాండ్‌ దేశాలను శుక్రవారం రెండు అత్యంత శక్తిమంతమైన భూకంపాలు కుదిపేసిన విషయం తెలిసిందే. నిమిషాల వ్యవధిలోనే చోటు చేసుకున్న భూ ప్రకంపనలతో రెండు దేశాలు Read more
హిట్ చిత్రాల దర్శకుడు అనిల్ రావిపూడి తాజాగా "సంక్రాంతికి వస్తున్నాం" సినిమాతో సూపర్ హిట్ సాధించి తన ఖాతాలో మరో విజయాన్ని చొప్పించుకున్నారు. ఈ చిత్రం విజయవంతంగా Read more
రోజురోజుకు క్యాన్సర్‌ రోగుల సంఖ్యా పెరుగుతున్నది. ప్రపంచాన్ని నేడు ఈ జబ్బు వణికిస్తున్నది. దీనితో పలు పరిశోధనలు జరుగుతున్నాయి. తాజాగా ప్రాణాంతక పాంక్రియాటిక్‌ క్యాన్సర్‌ చికిత్సకు అమెరికాలోని Read more