తెలుగు రాష్ట్రాల్లో తీవ్ర చర్చనీయాంశంగా మారిన యాంకర్ స్వేచ్ఛ (Anchor Swetha) ఆత్మహత్య కేసులో కీలక పరిణామం చోటు చేసుకుంది. ప్రధాన ఆరోపణల నడుమ ఉన్న పూర్ణచందర్ (Poornachander) చివరికి పోలీసులకు లొంగిపోయాడు. దీంతో పోలీసులు వెంటనే అతడిని అరెస్ట్ చేసి నేడు కోర్టుకు హాజరు పరచారు.కేసును పరిశీలించిన న్యాయమూర్తి పూర్ణచందర్కు 14 రోజుల న్యాయ నిర్భంధం విధించారు. అనంతరం పోలీసులు అతడిని చంచల్గూడ జైలుకు తరలించారు. స్వేచ్ఛ ఆత్మహత్య వెనక పూర్ణచందర్ పాత్రపై ఇప్పటికే అనుమానాలు వ్యక్తమవుతున్న వేళ, అతడి అరెస్ట్ కేసు దర్యాప్తును మలుపుతిప్పే అవకాశముంది.
అరుణాచలం ట్రిప్ – ముగ్గులో మిస్టరీ
వారంతా కలిసి అరుణాచలం వెళ్లిన విషయం ఇప్పుడు వెలుగులోకి వచ్చింది. స్వేచ్ఛ – పూర్ణచందర్ ఆ ట్రిప్ నుంచి మూడు రోజుల క్రితమే హైదరాబాద్కి తిరిగివచ్చారు. ఆ తర్వాత స్వేచ్ఛ తన నివాసంలో ఉరేసుకొని చనిపోయిన ఘటన జరిగినట్లు పోలీసుల ప్రాథమిక దర్యాప్తులో వెల్లడైంది.ఈ కేసులో ఓ ప్రముఖ రాజకీయ నాయకుడు కూడా ఉన్నాడని వార్తలు చక్కర్లు కొడుతున్నాయి. పోలీసుల దృష్టిలోకి వచ్చిన సమాచారం ప్రకారం, అతడి పాత్రపై కూడా విచారణ కొనసాగుతోంది. పూర్ణచందర్ వ్యవహారాలకు అతనితో సంబంధాలున్నాయని కొన్ని ఆధారాలు లభించినట్టు తెలుస్తోంది.
ప్రాణాలు కోల్పోయిన స్వేచ్ఛ – చిన్నారి తల్లిగా బాధ
ప్రముఖ న్యూస్ ఛానల్లో యాంకర్గా పనిచేస్తున్న స్వేచ్ఛ, పూర్ణచందర్తో సహజీవనం చేస్తున్నది. వీరి మధ్య గత కొంతకాలంగా విభేదాలు ఉన్నట్టు సమాచారం. ఆ నేపథ్యంలోనే స్వేచ్ఛ తీవ్ర మనోవేదనకు గురై తన నివాసంలో ఉరివేసుకొని బలవన్మరణానికి పాల్పడింది. ఆమెకు ఓ చిన్న కుమార్తె ఉన్నట్టు సమాచారం, ఆమె భవిష్యత్తు ఇప్పుడు ప్రశ్నార్థకంగా మారింది.ప్రస్తుతానికి పూర్ణచందర్ను అరెస్ట్ చేసి రిమాండ్కు పంపిన పోలీసులు, ఇప్పుడు కేసును మరింత లోతుగా పరిశీలిస్తున్నారు. స్వేచ్ఛ ఆత్మహత్యకు కారణాలపై స్పష్టత వచ్చేలా ఆధారాల సేకరణ జరుగుతోంది. రాజకీయ ప్రమేయం సహా అన్ని కోణాల్లో విచారణ ముమ్మరంగా కొనసాగుతోంది.
Read Also : Indigo Airlines : ఇండిగో విమానానికి ఇంజిన్ లో సమస్య : తృటిలో తప్పిన ప్రమాదం
