ఆమ్లెట్ అనగానే గుడ్డు గుర్తుకు వస్తుంది. కానీ గుడ్డు అవసరం లేకుండానే, అచ్చం గుడ్డు ఆమ్లెట్ లాంటి రుచినిచ్చే ఒక అద్భుతమైన వంటకం ఉంది. అదే పాలకూర ఆమ్లెట్ (Palakura omelette). కేవలం పాలకూరతో పాటు కొన్ని ఇతర పదార్థాలను కలిపితే చాలు, నోరూరించే పాలక్ ఆమ్లెట్ సిద్ధమైపోతుంది. వర్షం పడుతున్నప్పుడు వేడివేడిగా ఏదైనా తినాలనిపించినా, లేదా సాయంత్రం వేళ ఆరోగ్యకరమైన చిరుతిండి కావాలన్నా, ఈ పాలక్ ఆమ్లెట్ ఒక అద్భుతమైన ఎంపిక. కేవలం 5-10 నిమిషాల్లో దీన్ని తయారు చేసుకోవచ్చు.
గుడ్డు లేకుండానే ఆమ్లెట్ రుచినిచ్చే ఈ డిష్ చాలా సులభంగా తయారు చేసుకోవచ్చు. ఇందులో వాడే పదార్థాలన్నీ సాధారణంగా మన ఇళ్లలో ఉండేవే. సరైన మోతాదులో తీసుకుని చేస్తే నిమిషాల్లోనే వేడివేడి పాలక్ ఆమ్లెట్ సిద్ధమైపోతుంది. పిల్లలకు సాయంత్రం స్నాక్స్ లా పెడితే ఒకటికి రెండు మూడు అదనంగా తినేస్తారు.
పాలకూర ఆమ్లెట్ తయారీకి కావలసిన పదార్థాలు:
- పాలకూర – 1 కప్పు
- క్యాబేజీ తురుము – 1 కప్పు
- టమాటా ముక్కలు – 1 కప్పు
- కొత్తిమీర – కొద్దిగా
- పచ్చిమిర్చి ముక్కలు – అర కప్పు
- వాము – 1 టేబుల్ స్పూన్
- జీలకర్ర – 1 టేబుల్ స్పూన్
- బేకింగ్ సోడా – 1 టేబుల్ స్పూన్ (లేదా రాక్ సాల్ట్)
- పసుపు – 1 టేబుల్ స్పూన్
- నిమ్మకాయ రసం – 1 నిమ్మచెక్క
- శనగ పిండి – 1 కప్పు
- పెరుగు – 1 కప్పు
- తేనె – 1 టేబుల్ స్పూన్
- వెన్న – 1 టేబుల్ స్పూన్ (లేదా అందుబాటులో ఉంటే)
- ఉల్లిపాయ ముక్కలు – కొద్దిగా
పాలకూర ఆమ్లెట్ తయారు చేసే విధానం:
- ముందుగా ఒక పెద్ద గిన్నెలో పాలకూర, క్యాబేజీ తురుము, టమాటా ముక్కలు, కొత్తిమీర, పచ్చిమిర్చి ముక్కలు తీసుకోవాలి.
- ఇప్పుడు ఇందులో వాము, జీలకర్ర, బేకింగ్ సోడా (లేదా రాక్ సాల్ట్), పసుపు, నిమ్మరసం వేయాలి.
- ఆ తరువాత శనగపిండి, పెరుగు, తేనె, వెన్న కలిపి, అన్ని పదార్థాలు బాగా కలిసేంత వరకు చక్కగా మిక్స్ చేసుకోవాలి. మిశ్రమం మరీ గట్టిగా ఉంటే కొద్దిగా నీరు కలుపుకోవచ్చు.
- ఇప్పుడు ఒక నాన్-స్టిక్ పెనంపై కొద్దిగా వెన్న వేసి, అది కరిగిన తర్వాత ఈ మిశ్రమాన్ని గుండ్రంగా ఆమ్లెట్ ఆకారంలో వేయాలి.
- ఆమ్లెట్ పై మూత పెట్టి, సుమారు 5 నిమిషాల పాటు తక్కువ మంటపై ఉడికించాలి.
- ఆ తర్వాత ఆమ్లెట్ను మరోవైపుకు తిప్పి, మళ్లీ మూత పెట్టి, రెండు వైపులా బంగారు రంగు వచ్చేవరకు కాల్చాలి.
- రెండు వైపులా బాగా కాలిందంటే, వేడివేడి పాలక్ ఆమ్లెట్ సిద్ధమైనట్టే!
ఆరోగ్య చిట్కాలు:
- ఈ ఆమ్లెట్లో కలుపుకున్న వాము, జీలకర్ర జీర్ణశక్తిని పెంచడానికి సహాయపడతాయి.
- శనగపిండిని మరీ ఎక్కువగా వాడకపోవడం మంచిది. ఆమ్లెట్ కాస్త మెత్తగా రావడానికి కొద్దిగా కలుపుకుంటే చాలు.
- బేకింగ్ సోడాకు బదులుగా రాక్ సాల్ట్ వాడటం కూడా మంచిది.
- ఈ ఆమ్లెట్లో కొద్దిగా ఉల్లిపాయ ముక్కలు కలుపుకుంటే, గుడ్డు ఆమ్లెట్ తిన్న అనుభూతి కలుగుతుంది.
read also: Brain tumor: బ్రెయిన్ ట్యూమర్ లక్షణాలు..నివారణ చర్యలు
