ఓటీటీ వేదికపై ఈ వారం సౌత్ సూపర్ హిట్ల సందడి!
థియేటర్లలో సందడి చేసిన సినిమాలు ఓటీటీ ఫ్లాట్ఫామ్లపై విడుదలవడం కామన్ గా జరుగుతూనే ఉంది. సాధారణంగా సినిమాలు విడుదలైన నెలలోనే ఓటీటీ లో స్ట్రీమింగ్కు వస్తుండటంతో ప్రేక్షకులు థియేటర్లకు వెళ్లలేకపోయినా త్వరగా ఇంట్లోనే సినిమాను వీక్షించే అవకాశాన్ని పొందుతున్నారు. అయితే ఈ వారం ఓటీటీకి రానున్న సినిమాల లిస్ట్ చూసినట్లైతే, ఇది సాధారణం కాదన్న విషయం స్పష్టమవుతుంది. ఎందుకంటే ఈ వారం డిజిటల్ వేదికపైకి వచ్చే అన్ని సినిమాలు తమ థియేట్రికల్ రన్లో మంచి స్పందనను, వసూళ్లను రాబట్టినవే కావడం గమనార్హం. అంతే కాదు, దక్షిణాదికి చెందిన అన్ని భాషల నుండి ఒక్కో హిట్ సినిమా ఓటీటీలోకి అడుగుపెడుతుండటం మరో విశేషం.
నాని ‘హిట్ 3’ నెట్ఫ్లిక్స్లోకి వచ్చేందుకు సిద్ధం
న్యాచురల్ స్టార్ నాని ప్రధాన పాత్రలో నటించిన తాజా చిత్రం ‘హిట్ 3’ ఈ నెల 29వ తేదీ నుంచి నెట్ఫ్లిక్స్ లో స్ట్రీమింగ్కు సిద్ధమవుతోంది. నాని స్వంత నిర్మాణ సంస్థ ద్వారా నిర్మితమైన ఈ చిత్రానికి శైలేష్ కొలను దర్శకత్వం వహించగా, శ్రీనిధి శెట్టి కథానాయికగా నటించింది. మిస్టరీ థ్రిల్లర్గా తెరకెక్కిన ఈ సినిమా, థియేటర్లలో విడుదలైన నాటి నుంచి ప్రశంసలతో పాటు మంచి వసూళ్లను కూడ రాబట్టింది. ఫ్రాంచైజీగా కొనసాగుతున్న ‘హిట్’ సిరీస్కు ఇది మూడవ భాగం కావడం, అలాగే కథనంలో మలుపులు, టెక్నికల్ ఎక్సలెన్స్ ఈ సినిమాకు ప్రత్యేక ఆకర్షణగా నిలిచాయి. థియేటర్లలో సినిమాను మిస్ చేసినవారికి ఇప్పుడు ఓటీటీలో దాన్ని చూసే అవకాశం కలిగింది.
సూర్య ‘రెట్రో’ కూడా అదే ప్లాట్ఫామ్ పై
నెట్ఫ్లిక్స్ లోనే ఈ నెల 31న ‘రెట్రో’ అనే రొమాంటిక్ యాక్షన్ డ్రామా కూడా విడుదలకానుంది. తమిళ నటుడు సూర్య – పూజ హెగ్డే జంటగా నటించిన ఈ చిత్రం, కార్తీక్ సుబ్బరాజు దర్శకత్వంలో రూపొందింది. సూర్య సొంత బ్యానర్లో నిర్మితమైన ఈ సినిమా కూడా ఈ నెల 1నే థియేటర్లలో విడుదలై, మంచి కలెక్షన్లు నమోదు చేసింది. మాస్ – క్లాస్ ప్రేక్షకులందరినీ ఆకట్టుకునేలా కథా నిర్మాణం ఉండటం, రొమాన్స్, యాక్షన్, మ్యూజిక్ అన్నీ సమపాళ్లలో ఉండటం సినిమాకు ప్లస్ పాయింట్స్ అయ్యాయి. ప్రస్తుతం నెట్ఫ్లిక్స్ లో ‘హిట్ 3’ తర్వాత ‘రెట్రో’ కూడా స్ట్రీమింగ్ కానుండటం ఈ వారం సినీ ప్రియులకు పండుగ వాతావరణం తీసుకొస్తోంది.
మలయాళంలో మోహన్లాల్ నటించిన ‘తుడరుం’
మలయాళ మెగాస్టార్ మోహన్లాల్ ప్రధాన పాత్రలో నటించిన ‘తుడరుం’ సినిమా ఈ నెల 30 నుంచి జియో హాట్ స్టార్ లో అందుబాటులోకి రానుంది. శోభన కథానాయికగా నటించిన ఈ చిత్రానికి మలయాళ ఇండస్ట్రీలో భారీ హిట్ టాక్ వచ్చింది. ఎమోషనల్ డ్రామా నేపథ్యంలో సాగిన ఈ చిత్రం ప్రేక్షకుల మదిలో స్థానం దక్కించుకుంది. ఫ్యామిలీ ఆడియన్స్ను కూడా ఆకట్టుకున్న ఈ సినిమా, మలయాళ భాషను అర్థం చేసుకునేవారికే కాదు, అనువాదం రూపంలో ఇతర భాషల ప్రేక్షకులకు కూడా అందుబాటులోకి రావడం విశేషం. ఒరిజినల్గా మలయాళంలో వచ్చినప్పటికీ, ఈ కథలోని భావోద్వేగాలు యూనివర్సల్గా కనెక్ట్ అయ్యేలా ఉన్నాయి.
కన్నడ హిట్ ‘అజ్ఞాతవాసి’ జీ 5లో స్ట్రీమింగ్
ఇక కన్నడంలో మంచి హిట్ టాక్ తో రన్ చేసిన ‘అజ్ఞాతవాసి’ చిత్రం ఈ నెల 28 నుంచి జీ 5 ఓటీటీ ఫ్లాట్ఫామ్ లో స్ట్రీమింగ్ అవుతుంది. యాక్షన్, థ్రిల్లింగ్ ఎలిమెంట్స్ మేళవించిన ఈ సినిమా, ముఖ్యంగా యూత్ ప్రేక్షకులను ఆకట్టుకుంది. ఈ చిత్రానికి సాంకేతికంగా మంచి స్టాండర్డ్స్ ఉండటంతో పాటు, కథనం కూడా ఆసక్తికరంగా సాగడం సినిమాను విజయవంతం చేసింది. డిజిటల్ ప్లాట్ఫామ్ లోనూ అదే స్థాయి స్పందన వస్తుందని ట్రేడ్ వర్గాలు భావిస్తున్నాయి.
సౌత్ నుంచి ఓటీటీపై హిట్ పండుగ
ఈ వారం ఓటీటీ వేదికపై దక్షిణాదినుంచి నాలుగు భిన్న భాషల హిట్ సినిమాలు ప్రేక్షకులను అలరించబోతున్నాయి. ఒక్కరోజు కూడా విడిపోకుండా వరుసగా విడుదలవుతున్న ఈ సినిమాలు, బోర్ కొట్టే వీకెండ్ను సినిమా పండుగగా మార్చే అవకాశం కల్పిస్తున్నాయి. నెట్ఫ్లిక్స్, జియో హాట్స్టార్, జీ5 వేదికలపై సౌత్ సినిమాలు బాక్సాఫీస్ విజయం తర్వాత డిజిటల్ విజయం సాధించేందుకు సిద్ధమవుతున్నాయి. సినీ ప్రియులు ఓటీటీలో మునిగిపోయే వారం ఇదే!
