ఉత్తరప్రదేశ్(Uttar Pradesh) రాష్ట్రంలోని బిజ్నోర్ జిల్లాలో ఓ పెళ్లి వేడుకలో ఆశ్చర్యకరమైన సంఘటన చోటుచేసుకుంది. భోజన సమయంలో చికెన్ ఫ్రై వడ్డించే విషయంలో వధువు, వరుడు కుటుంబ సభ్యుల మధ్య తలెత్తిన చిన్నపాటి వాగ్వాదం పెద్దదిగా మారి తీవ్ర దాడుల దాకా వెళ్లింది. ఈ ఘటనతో అక్కడ గందరగోళం నెలకొంది.
Read Also: Chevella Crime: అయ్యో ఈ పిల్లలకు దిక్కెవరు!
బిజ్నోర్(Bijnor) జిల్లాకు చెందిన యువజంట పెళ్లి వేడుకలో ఈ ఘటన చోటుచేసుకుంది. విందులో భోజనం వడ్డిస్తుండగా, చికెన్ ఫ్రై సరఫరా విషయంలో రెండు కుటుంబాల మధ్య మాటామాటా పెరిగింది. కాసేపట్లోనే ఇరు వర్గాలు ఒకరిపై ఒకరు దాడి చేసుకున్నారు. ఈ గొడవలో పలువురు గాయపడినట్లు సమాచారం.
Uttar Pradesh: సమాచారం అందుకున్న వెంటనే పోలీసులు సంఘటన స్థలానికి చేరుకొని పరిస్థితిని నియంత్రించారు. ఇరు కుటుంబాలతో మాట్లాడి వివాదాన్ని సర్దుబాటు చేశారు. దీంతో పెళ్లి వేడుక పోలీసుల పర్యవేక్షణలో కొనసాగి ముగిసింది.
ఘటనా స్థలంలో ఉన్న ఒక ప్రత్యక్ష సాక్షి మాట్లాడుతూ, “చికెన్ ఫ్రై కౌంటర్ వద్ద అతిథుల మధ్య చిన్న అపార్థం పెద్ద గొడవకు దారితీసింది. మహిళలు, పిల్లలు ఉన్న సమయంలో జరిగిన ఈ తొక్కిసలాటలో కొందరు గాయపడ్డారు. వారిని వెంటనే ఆసుపత్రికి తరలించారు” అని తెలిపారు.
వీడియో సోషల్ మీడియాలో వైరల్
ఈ గొడవ సమయంలో అక్కడే ఉన్న కొంతమంది సంఘటనను మొబైల్లో చిత్రీకరించి సోషల్ మీడియాలో పోస్ట్ చేశారు. ప్రస్తుతం ఆ వీడియోలు వైరల్ అవుతూ నెటిజన్లలో చర్చకు దారితీస్తున్నాయి.
Read hindi news: hindi.vaartha.com
Epaper: epaper.vaartha.com/
Read Also:
