Chennai Coimbatore Train: చెన్నై నుంచి కోయంబత్తూర్కు ప్రయాణిస్తున్న రైలులో ఓ లా విద్యార్థిని లైంగిక వేధింపులకు గురైన ఘటన తమిళనాడు(Tamil Nadu)లో తీవ్ర కలకలాన్ని రేపింది. సహ ప్రయాణికుడిగా ఉన్న తమిళనాడు పోలీసు విభాగానికి చెందిన హెడ్ కానిస్టేబుల్ తనతో అనుచితంగా ప్రవర్తించాడని యువతి ఆరోపించింది. ఈ ఘటన మహిళల భద్రతపై మరోసారి గంభీర చర్చకు దారితీసింది.
Read Also: TG Crime: ముగ్గురి హత్యకేసు 9 మందికి జీవిత ఖైదు
ఈ ఘటనలో బాధితురాలు చూపిన ధైర్యం అందరి దృష్టిని ఆకర్షించింది. రైలు ప్రయాణం జరుగుతున్న సమయంలోనే నిందితుడి ప్రవర్తనను ఆమె తన మొబైల్ ఫోన్లో చిత్రీకరించి, ఆ వీడియోను రైల్వే ప్రొటెక్షన్ ఫోర్స్ (RPF)కు పంపింది. ఆమె ఫిర్యాదు మరియు వీడియో ఆధారంగా పోలీసులు తక్షణమే చర్యలు చేపట్టారు. రైలు కాట్పాడి జంక్షన్కు చేరుకున్న వెంటనే నిందితుడిని అదుపులోకి తీసుకుని కేసు నమోదు చేశారు.
ఈ సంఘటనపై కోయంబత్తూర్ నగర పోలీస్ శాఖ కఠినంగా స్పందించింది. ఆర్ఎస్ పురం పోలీస్ స్టేషన్కు చెందిన సదరు హెడ్ కానిస్టేబుల్ను విచారణ పూర్తయ్యే వరకు సస్పెండ్ చేస్తున్నట్లు ప్రకటించింది. ప్రస్తుతం ఈ కేసు కాట్పాడి రైల్వే పోలీసుల పరిధిలో ఉందని, విచారణ అనంతరం చట్టపరంగా కఠిన చర్యలు తీసుకుంటామని సీనియర్ పోలీసు అధికారులు స్పష్టం చేశారు. ఆరోపణలు నిజమని తేలితే క్రమశిక్షణా పరమైన చర్యలు తప్పవని వారు తెలిపారు.
Read hindi news: hindi.vaartha.com
Epaper : epaper.vaartha.com
Read Also:
