రైల్వే శాఖ ప్రయాణికులకు మరింత సౌకర్యం కల్పించేందుకు ‘రైల్ వన్’(Rail One App) మొబైల్ యాప్ ద్వారా అన్రిజర్వుడ్ టికెట్లపై ప్రత్యేక రాయితీ ఆఫర్ను జనవరి 14 నుంచి అమల్లోకి తీసుకొచ్చింది. ఈ డిస్కౌంట్ పథకం జూలై 14 వరకు అందుబాటులో ఉండనుంది. ఈ ఆఫర్ ద్వారా డిజిటల్ చెల్లింపులను ప్రోత్సహించడమే లక్ష్యంగా అధికారులు తెలిపారు.
Read Also: High Rates: ఆ దేశంలో ఏకంగా 682% ద్రవ్యోల్బణం!..కొత్త రిపోర్ట్
డిస్కౌంట్ వివరాలు
‘రైల్ వన్’ యాప్ ద్వారా యూపీఐ, డెబిట్/క్రెడిట్ కార్డులు, మొబైల్ బ్యాంకింగ్, నెట్ బ్యాంకింగ్ వంటి డిజిటల్ మాధ్యమాల్లో చెల్లింపులు చేస్తే టికెట్ ధరపై 3 శాతం తగ్గింపు లభిస్తుంది. అదనంగా, ఆర్-వాలెట్ (R-Wallet) ద్వారా చెల్లించిన ప్రయాణికులకు మరింత 3 శాతం డిస్కౌంట్ వర్తింపజేస్తారు. దీంతో మొత్తం 6 శాతం వరకు రాయితీ పొందే అవకాశం ఉంటుంది.
రైల్ వన్ యాప్లో లభించే సేవలు
ఈ యాప్ను ఉపయోగించడం ద్వారా ప్రయాణికులు అన్రిజర్వుడ్ టికెట్లు(Unreserved tickets) కొనుగోలు చేయడమే కాకుండా, పీఎన్ఆర్ స్టేటస్ పరిశీలన, రైళ్ల లైవ్ లొకేషన్ ట్రాకింగ్, ప్లాట్ఫామ్ సమాచారం, స్టేషన్ వివరాలు వంటి అనేక సేవలను ఒకే చోట పొందవచ్చు. అలాగే రైలులో ప్రయాణిస్తున్నప్పుడు ఫుడ్ బుకింగ్ సదుపాయం కూడా ఈ యాప్లో అందుబాటులో ఉంది. ఈ పథకం వల్ల క్యూలలో నిలబడి టికెట్లు కొనుగోలు చేసే అవసరం తగ్గుతుందని, నగదు లావాదేవీలు తగ్గి డిజిటల్ ట్రాన్సాక్షన్లు పెరుగుతాయని రైల్వే అధికారులు భావిస్తున్నారు. ముఖ్యంగా రోజూ ప్రయాణించే ప్రయాణికులకు ఈ రాయితీ ఆర్థికంగా లాభదాయకమని చెబుతున్నారు.
Read hindi news: hindi.vaartha.com
Epaper: epaper.vaartha.com
Read Also:
