Rahul Gandhi Bail: కాంగ్రెస్ అగ్రనేత రాహుల్ గాంధీకి మహారాష్ట్రలోని భివాండీ కోర్టులో పెద్ద ఉపశమనం లభించింది. గత పదేళ్లుగా కొనసాగుతున్న పరువునష్టం కేసులో భాగంగా ఆయనకు న్యాయస్థానం బెయిల్ మంజూరు చేసింది. ఇవాళ జరిగిన విచారణకు రాహుల్ స్వయంగా హాజరుకాగా, కోర్టు ఈ నిర్ణయం తీసుకుంది.
Read Also: IT Ride : ఐటీ రైడ్లో సీక్రెట్ రూమ్.. రూ.కోట్ల విలువైన బంగారం!
వివాదానికి కారణమైన 2014 నాటి వ్యాఖ్యలు
ఈ వివాదం 2014 లోక్సభ ఎన్నికల ప్రచార సమయంలో మొదలైంది. మహారాష్ట్రలోని సోనాలే గ్రామంలో నిర్వహించిన బహిరంగ సభలో రాహుల్ గాంధీ ప్రసంగిస్తూ.. జాతిపిత మహాత్మా గాంధీ హత్య వెనుక రాష్ట్రీయ స్వయంసేవక్ సంఘ్ (RSS) హస్తం ఉందంటూ సంచలన ఆరోపణలు చేశారు. ఈ వ్యాఖ్యలు రాజకీయ వర్గాల్లో అప్పట్లో తీవ్ర దుమారాన్ని రేపాయి.
ఆర్ఎస్ఎస్ దాఖలు చేసిన పరువునష్టం దావా
రాహుల్ గాంధీ చేసిన ఆరోపణలు తమ సంస్థ ప్రతిష్ఠను భంగపరిచే విధంగా ఉన్నాయని ఆరెస్సెస్ కార్యకర్త రాజేష్ కుంటే మండిపడ్డారు. ఈ మేరకు ఆయన భివాండీ మేజిస్ట్రేట్ కోర్టులో పరువునష్టం దావా వేశారు. సంస్థపై నిరాధారమైన ఆరోపణలు చేసినందుకు రాహుల్పై చర్యలు తీసుకోవాలని ఆ ఫిర్యాదులో పేర్కొన్నారు. ఈ కేసు విచారణలో భాగంగా రాహుల్ గాంధీ ఇవాళ వ్యక్తిగతంగా న్యాయస్థానానికి హాజరయ్యారు. ఉభయ పక్షాల వాదనలు విన్న అనంతరం, కోర్టు ఆయనకు బెయిల్ మంజూరు చేస్తూ ఆదేశాలు జారీ చేసింది. దీంతో ఈ కేసులో ఆయనకు ప్రస్తుతానికి ఊరట లభించినట్లయింది.
Read hindi news: hindi.vaartha.com
Epaper : epaper.vaartha.com
Read Also:
