PM Modi Silchar Visit: అస్సాం పర్యటనలో ఉన్న ప్రధాన మంత్రి నరేంద్ర మోదీ శనివారం (మార్చి 14) సిల్చార్లో దాదాపు రూ. 23,550 కోట్ల విలువైన వివిధ అభివృద్ధి పనులకు శంకుస్థాపనలు, ప్రారంభోత్సవాలు చేశారు. ఈశాన్య భారత దేశపు మొట్టమొదటి యాక్సెస్-కంట్రోల్డ్ గ్రీన్ ఫీల్డ్ హై-స్పీడ్ ఎక్స్ప్రెస్వే అయిన షిల్లాంగ్-సిల్చార్ కారిడార్ (రూ. 22,860 కోట్లు) ప్రాజెక్టుకు ప్రధాని భూమిపూజ నిర్వహించారు. ఈ కారిడార్ రాకతో ఈ ప్రాంతంలో రవాణా వ్యవస్థ గణనీయంగా మెరుగుపడనుంది.
Read Also: Dubai: ఐసీయూ లో ఓ తల్లి చికిత్స.. రూ. 50 లక్షల బిల్లుతో కొడుకు ఆవేదన
అస్సాం మాలా 3.0, మౌలిక సదుపాయాలు
రాష్ట్రంలోని రోడ్డు నెట్వర్క్ను బలోపేతం చేసే లక్ష్యంతో అస్సాం మాలా 3.0 ప్రాజెక్టును ప్రధాని ప్రారంభించారు. దీని విలువ సుమారు రూ. 3,200 కోట్లు.
- అస్సాం అంతటా 900 కిలోమీటర్ల మేర కొత్త రహదారులను నిర్మిస్తారు.
- జాతీయ రహదారులు మరియు గ్రామీణ రోడ్ల మధ్య అనుసంధానాన్ని పెంచుతారు.
- కరీంగంజ్ జిల్లాలోని పథర్కండి వద్ద వ్యవసాయ కళాశాల నిర్మాణానికి కూడా ప్రధాని శంకుస్థాపన చేశారు.
కోల్కతాలో పోర్ట్ అండ్ వాటర్ ట్రాన్స్పోర్ట్ అభివృద్ధి
అస్సాం పర్యటన ముగించుకుని కోల్కతా చేరుకున్న ప్రధాని మోదీ, తూర్పు భారతదేశ ఆర్థికాభివృద్ధిలో నౌకాశ్రయాల ప్రాధాన్యతను వివరించారు. దశాబ్దాలుగా వెనుకబడిన తూర్పు భారత్ ఇప్పుడు ఇన్ల్యాండ్ వాటర్ వేస్ (అంతర్గత జలమార్గాలు) ద్వారా కొత్త వ్యాపార అవకాశాలను అందిపుచ్చుకుంటోందని పేర్కొన్నారు. ముఖ్యంగా హల్దియా డాక్ కాంప్లెక్స్ మెకనైజేషన్ వల్ల కార్గో హ్యాండ్లింగ్ వేగం పెరిగి, వ్యాపార కార్యకలాపాలు మరింత సులభతరం అవుతాయని ప్రధాని ఆశాభావం వ్యక్తం చేశారు.
Read hindi news: hindi.vaartha.com
Epaper : epaper.vaartha.com
Read Also:
