New UPI Rules 2026: డిజిటల్ చెల్లింపులలో వేగాన్ని పెంచడమే లక్ష్యంగా కేంద్రం కొత్త నిబంధనను తీసుకొచ్చింది. దీని ప్రకారం, ప్రతి యూపీఐ లావాదేవీ కేవలం 10 సెకన్లలోపు పూర్తి కావాలి. సాధారణంగా పండుగలు లేదా రద్దీ సమయాల్లో (Peak Times) సర్వర్లు నెమ్మదించి లావాదేవీలు విఫలమవ్వడం లేదా ఆలస్యమవ్వడం జరుగుతుంటుంది. ఇకపై అటువంటి సమస్యలు లేకుండా బ్యాంకులు మరియు పేమెంట్ యాప్స్ తమ సాంకేతికతను మెరుగుపరచుకోవాలని ప్రభుత్వం స్పష్టం చేసింది. దీనివల్ల వినియోగదారులు నిరీక్షించాల్సిన అవసరం లేకుండా తక్షణమే పేమెంట్స్ పూర్తి చేయవచ్చు.
Read Also: India America Deal: బైకులపై భారీగా తగ్లనున్న ధరలు
భారీ లావాదేవీలకు కఠినమైన భద్రత
పెద్ద మొత్తంలో డబ్బులు పంపేటప్పుడు జరిగే మోసాలను అరికట్టేందుకు వెరిఫికేషన్ ప్రక్రియను మరింత కఠినతరం చేశారు. భారీ ట్రాన్సాక్షన్ల సమయంలో అదనపు భద్రతా ఫీచర్లను ప్రవేశపెట్టారు. ముఖ్యంగా, ఏదైనా పేమెంట్ చేసే ముందు వినియోగదారుడి నుండి స్పష్టమైన అంగీకారం (Clear Consent) తీసుకోవడం తప్పనిసరి చేశారు. పొరపాటున లేదా తెలియకుండా బటన్ నొక్కడం వల్ల డబ్బులు కట్ అయ్యే అవకాశం లేకుండా, “మీరు నిజంగానే ఈ చెల్లింపు చేస్తున్నారా?” అని నిర్ధారించుకున్న తర్వాతే లావాదేవీ ముందుకు వెళుతుంది.
వినియోగంలో లేని ఐడీల నిలిపివేత
చాలా కాలంగా ఉపయోగించని యూపీఐ ఐడీల విషయంలో ప్రభుత్వం కీలక నిర్ణయం తీసుకుంది. భద్రతా కారణాల దృష్ట్యా, దీర్ఘకాలంగా వాడకుండా ఉన్న ఐడీలను తాత్కాలికంగా నిలిపివేస్తారు. ఇటువంటి ఐడీల ద్వారా సైబర్ నేరగాళ్లు మోసాలకు పాల్పడే అవకాశం ఉన్నందున ఈ చర్య తీసుకున్నారు. ఒకవేళ వినియోగదారులు తమ పాత ఐడీని మళ్లీ వాడుకోవాలనుకుంటే, వారు తిరిగి రీ-వెరిఫికేషన్ (Re-verification) ప్రక్రియను పూర్తి చేయాల్సి ఉంటుంది. దీనివల్ల యూజర్ల ఖాతాలకు అదనపు రక్షణ లభిస్తుంది.
పేమెంట్ రిక్వెస్ట్ విధానంలో మార్పులు(New UPI Rules 2026)
సాధారణంగా మోసగాళ్లు డబ్బులు పంపమని (Request Money) ఇతరులకు రిక్వెస్ట్లు పంపి, తెలియని వారిని బురిడీ కొట్టిస్తుంటారు. దీన్ని అరికట్టేందుకు పేమెంట్ రిక్వెస్ట్ పంపే విధానంపై ప్రభుత్వం పరిమితులు విధించింది. ఇకపై ఎవరైనా పదేపదే రిక్వెస్ట్లు పంపడం లేదా అనుమానాస్పదంగా వ్యవహరించడం కుదరదు. ఈ కొత్త నిబంధనల వల్ల యూపీఐ వ్యవస్థ కేవలం వేగవంతం అవడమే కాకుండా, సామాన్య ప్రజలకు అత్యంత సురక్షితమైన డిజిటల్ చెల్లింపుల వేదికగా మారనుంది.
Read hindi news: hindi.vaartha.com
Epaper: epaper.vaartha.com
Read Also:
