New Governors: భారత రాష్ట్రపతి ద్రౌపది ముర్ము సోమవారం కీలక నిర్ణయం తీసుకున్నారు. దేశంలోని ఆరు రాష్ట్రాలకు నూతన గవర్నర్లను నియమిస్తూ రాష్ట్రపతి కార్యాలయం అధికారిక ఉత్తర్వులు జారీ చేసింది. ఈ మార్పుల ద్వారా పరిపాలనా సౌలభ్యం కోసం పలువురు సీనియర్ నాయకులకు కొత్త బాధ్యతలు అప్పగించగా, మరికొందరిని ఇతర రాష్ట్రాలకు బదిలీ చేశారు.
కేరళ మరియు తమిళనాడు నూతన గవర్నర్లు
ప్రస్తుతం సిక్కిం గవర్నర్‌గా సేవలందిస్తున్న ఓం ప్రకాశ్ మాథుర్‌ను కేరళ నూతన గవర్నర్‌గా రాష్ట్రపతి నియమించారు. అలాగే, ఇప్పటివరకు కేరళ గవర్నర్‌గా బాధ్యతలు నిర్వర్తించిన రాజేంద్ర విశ్వనాథ్ ఆర్లేకర్‌ను తమిళనాడు గవర్నర్‌గా బదిలీ చేస్తూ ఉత్తర్వులు వెలువడ్డాయి.
Read also: Onion prices: ఉల్లి ధరలకు బ్రేక్‌.. త్వరలో తగ్గనున్న ధరలు!
New Governors: కర్ణాటక, ఒడిశా మరియు ఉత్తరాఖండ్ గవర్నర్ల మార్పు
దక్షిణాది రాష్ట్రమైన కర్ణాటక నూతన గవర్నర్‌గా డాక్టర్ సుధా యాదవ్‌ను నియమిస్తూ రాష్ట్రపతి భవన్ నిర్ణయం తీసుకుంది. అదేవిధంగా, ఒడిశా రాష్ట్ర గవర్నర్‌గా బ్రజ్ మోహన్ రామ్‌, ఉత్తరాఖండ్ రాష్ట్ర గవర్నర్‌గా డాక్టర్ ధల్ సింగ్ బిసెన్‌లను నియమించారు.
సిక్కిం నూతన గవర్నర్‌గా దుష్యంత్ గౌతమ్
ఓం ప్రకాశ్ మాథుర్ కేరళకు బదిలీ కావడం వల్ల ఖాళీ అయిన సిక్కిం గవర్నర్ పదవికి కొత్త నియామకం చేపట్టారు. సిక్కిం నూతన గవర్నర్‌గా దుష్యంత్ గౌతమ్‌ను నియమిస్తున్నట్లు రాష్ట్రపతి భవన్ తన ప్రక ప్రకటనలో స్పష్టం చేసింది.
తక్షణమే అమల్లోకి రానున్న నియామకాలు
ఈ నూతన గవర్నర్ల నియామకాలు మరియు బదిలీలన్నీ కూడా సంబంధిత వ్యక్తులు తమ ఆయా రాజ్‌భవన్‌లలో బాధ్యతలు స్వీకరించిన తేదీ నుండి తక్షణమే అమల్లోకి వస్తాయని రాష్ట్రపతి కార్యాలయం విడుదల చేసిన ప్రకటనలో పేర్కొంది.
Read Also hindi news: hindi.vaartha.com
Epaper: epaper.vaartha.com
Read Also:
