Nara Lokesh : ఆంధ్రప్రదేశ్ మంత్రి నారా లోకేశ్ ఓ పదో తరగతి విద్యార్థిని చేసిన విజ్ఞప్తిపై స్పందించారు. తనకు చదువుకోవాలని ఎంతో ఆసక్తి ఉందని, అయితే తన తండ్రి హాస్టల్‌కు పంపించేందుకు అంగీకరించడం లేదని ఓ బాలిక వీడియో ద్వారా తన ఆవేదనను వ్యక్తం చేసింది. చదువును కొనసాగించాలన్న ఆమె కోరిక, అందుకోసం చేస్తున్న ప్రయత్నం మంత్రి లోకేశ్‌ను కదిలించింది. ఈ వీడియోను గమనించిన ఆయన సోషల్ మీడియా వేదికగా స్పందిస్తూ.. బాలిక తన చదువు విషయంలో వ్యక్తం చేసిన ఆకాంక్ష హృదయాన్ని తాకిందని పేర్కొన్నారు. విద్యార్థినికి చదువుకోవాలన్న తపన ఉండటం అభినందనీయమని అభిప్రాయపడ్డారు.
Read Also : ఈడీ విచారణకు అంబటి రాంబాబు
కలెక్టర్‌కు కీలక ఆదేశాలు.. చదువుకు ఆటంకాలు లేకుండా చూడాలని సూచన
ఈ వ్యవహారంలో కడప జిల్లా కలెక్టర్ వెంటనే జోక్యం చేసుకోవాలని మంత్రి నారా లోకేశ్ కోరారు. బాలిక తండ్రితో మాట్లాడి, ఆమె చదువును కొనసాగించాల్సిన ఆవశ్యకతను వివరించాలని సూచించారు. తల్లిదండ్రుల నుంచి అవసరమైన సహకారం అందేలా చర్యలు తీసుకోవడంతో పాటు, విద్యాభ్యాసానికి ఎలాంటి ఆటంకాలు ఎదురుకాకుండా చూడాలని కోరారు. ఒక విద్యార్థినికి చదువుకోవాలన్న ఆసక్తి ఉన్నప్పుడు ఆమెకు తగిన అవకాశాలు కల్పించడం ఎంతో ముఖ్యమని ఈ సందర్భంగా ఆయన సందేశం ఇచ్చారు. అంతేకాకుండా, బాలికకు ధైర్యం చెబుతూ ‘బాధపడకు అమ్మా.. నీకు నేను అండగా ఉంటా’ అంటూ భరోసా ఇచ్చారు. మంత్రి స్పందనతో బాలిక చదువు కొనసాగింపుపై ఆశలు చిగురించాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
