మావోయిస్టు పార్టీ తరపున దండకారణ్య స్పెషల్ జోనల్ కమిటీ (Dandakaranya Special Zonal Committee) ఒక సంచలనాత్మక లేఖను విడుదల చేసింది. ఈ లేఖలో, కేంద్ర కమిటీ సభ్యుడు మరియు దండకారణ్య స్పెషల్ జోనల్ కమిటీ కార్యదర్శి కామ్రేడ్ హిడ్మా (మారేడుమిల్లి ఎన్కౌంటర్), అతనితో పాటు మరో ఐదుగురు, అలాగే కామ్రేడ్ శంకర్ (రంపాచోడవరం ఎన్కౌంటర్) మరణాలు ముమ్మాటికీ ‘నకిలీ ఎన్కౌంటర్లు’ (Fake Encounters) మరియు హత్యలే అని తీవ్రంగా ఆరోపించారు. ఈ హత్యలపై న్యాయ విచారణ జరిపించి, దోషులకు కఠిన శిక్షలు విధించేందుకు ప్రజా ఉద్యమాన్ని నిర్మించాలని వారు పిలుపునిచ్చారు.
Read Also: Emirates Flight: ఎమిరేట్స్ విమానానికి బాంబు బెదిరింపు
మావోయిస్టులు (Maoist) ఈ లేఖలో కొన్ని తప్పుడు ఆరోపణలను ఖండించారు. ముఖ్యంగా, మనీష్ కుంజాం, సోనీ సోడి ద్వారా హిడ్మా హత్యకు కామ్రేడ్ దేవజీ కారణమని ఇచ్చిన తప్పుడు ఆరోపణలను తాము తీవ్రంగా ఖండిస్తున్నామని పేర్కొన్నారు.
కలప వ్యాపారి ద్రోహం, ఇంటెలిజెన్స్ ఏజెన్సీల హస్తం
లేఖలో మావోయిస్టులు ఈ ఎన్కౌంటర్ల వెనుక ఉన్న అసలు కారణాలను వివరిస్తూ ఆరోపణలు చేశారు.
- హిడ్మా అరెస్ట్: కామ్రేడ్ హిడ్మా అక్టోబర్ 27న చికిత్స కోసం విజయవాడకు చెందిన ఒక కలప వ్యాపారితో కలిసి వెళ్లగా, అతడితో సహా 6 మంది కామ్రేడ్లను నవంబర్ 15న ఆంధ్రప్రదేశ్ పోలీసులు అరెస్టు చేశారు.
- చిత్రహింసలు: అరెస్టు చేసిన తర్వాత మూడు రోజుల పాటు వారికి చిత్రహింసలు గురిచేసి చంపేశారు. ఆ తరువాత, అల్లూరి సీతారామరాజు జిల్లాలోని మారేడుమిల్లి అడవుల్లో జరిగిన ఎన్కౌంటర్లో చనిపోయినట్లు పోలీసులు తప్పుడు కథను అల్లారని మావోయిస్టులు ఆరోపించారు.
- మొత్తం 13 మంది మృతి: రెండు సంఘటనలలో మొత్తం 13 మంది కామ్రేడ్లను అరెస్టు చేసి, ఈ నకిలీ ఎన్కౌంటర్లలో హత్య చేశారని ఆరోపించారు.
ఈ హత్యలకు కారకులైన వారిపై విచారణ జరపాలని దండకారణ్య స్పెషల్ జోనల్ కమిటీ డిమాండ్ చేసింది. దీని వెనుక ఆంధ్రప్రదేశ్, తెలంగాణ, (Telangana) ఛత్తీస్గఢ్, ఒడిశా రాష్ట్రాల ఇంటెలిజెన్స్ ఏజెన్సీల హస్తం స్పష్టంగా కనిపిస్తోందని వారు పేర్కొన్నారు. కలప వ్యాపారి, ఐటీడీఏకు చెందిన కారు డ్రైవరు, విజయవాడకు చెందిన డాక్టరు తదితరులతో సహా ఈ మొత్తం హత్య వెనుక ఉన్న వ్యక్తులను విచారించాలని కోరారు.
ప్రజా ఉద్యమానికి పిలుపు
కేంద్ర ప్రభుత్వంలోని పెద్ద అధికారులు ఈ హత్యలకు బాధ్యులని, ఈ ఆపరేషన్ విజయవంతం కావడానికి విదేశీ కాపలాదారులు (Foreign) సహకరించారని మావోయిస్టులు తమ లేఖలో ఆరోపించారు. తమ పోరాటం వృథా పోదని, అమరులైన వారి బాటలో నడుస్తామని కమిటీ స్పష్టం చేసింది. ఎన్కౌంటర్లో చనిపోయిన మావోయిస్టులకు కమిటీ నివాళులు అర్పించింది. మరోవైపు, ఇంటెలిజెన్స్ వర్గాలు ఈ లేఖను విశ్లేషిస్తున్నాయి.
Read hindi news: hindi.vaartha.com
Epaper: epaper.vaartha.com/
Read Also:
