సమకాలీన రాజకీయ, భాషా, సాంస్కృతిక దిశలో ఆసక్తికర ప్రకటన చేసిన డీఎంకే ఎంపీ కనిమొళి, (Kanimozhi) భారత జాతీయ భాషగా ‘భిన్నత్వంలో ఏకత్వం’ అనే భావనను పేర్కొంటూ ప్రజల దృష్టిని ఆకర్షించారు. స్పెయిన్ రాజధాని మాడ్రిడ్లో ప్రవాస భారతీయులతో జరిగిన సమావేశంలో ఈ వ్యాఖ్యలు చేశారు. ప్రస్తుతం ఆమె అఖిలపక్ష ప్రతినిధి బృందానికి నాయకత్వం వహిస్తూ ఐదు దేశాల పర్యటనలో భాగంగా భారత ప్రభుత్వం చేపట్టిన ‘ఆపరేషన్ సింధూర్’ అనంతర ప్రచార కార్యక్రమంలో భాగంగా విదేశాల్లో భారత సామరస్యం, భిన్నతా సౌభ్రాతృత్వం, ప్రజాస్వామ్య విలువల్ని ప్రదర్శిస్తున్నారు.
భిన్నత్వంలో ఏకత్వం – భారత విలక్షణతకు ప్రతిబింబం
కనిమొళి వ్యాఖ్యలలోని “భారతదేశ జాతీయ భాష భిన్నత్వంలో ఏకత్వం” (Unityindiversity) అనే వ్యాఖ్య సామాజిక దృష్టికోణంలో చాలా ముఖ్యంగా పరిగణించవచ్చు. ఇదే మా ప్రతినిధి బృందం ప్రపంచానికి తీసుకువచ్చిన సందేశం. ఈ రోజుల్లో ఇదే అత్యంత ముఖ్యమైన విషయం” అని కనిమొళి స్పష్టం చేశారు. జాతీయ విద్యా విధానం (ఎన్ఈపీ) 2020లోని త్రిభాషా సూత్రం విషయంలో తమిళనాడులోని డీఎంకే ప్రభుత్వానికి, కేంద్ర ప్రభుత్వానికి మధ్య ఇటీవల భాషా పరమైన విభేదాలు తలెత్తిన నేపథ్యంలో కనిమొళి చేసిన ఈ వ్యాఖ్యలు ప్రాధాన్యం సంతరించుకున్నాయి.
ఉగ్రవాదంపై అభిప్రాయం
కశ్మీర్లో చోటుచేసుకున్న తాజా ఉగ్రదాడుల నేపథ్యంలో, భారతదేశ భద్రతా వ్యవస్థపై ప్రపంచం ఆసక్తిగా గమనిస్తోంది. ఉగ్రవాదంపై అడిగిన ప్రశ్నకు కనిమొళి సమాధానమిస్తూ “మన దేశంలో మనం చేయాల్సింది చాలా ఉంది, అది చేయాలని మేం కోరుకుంటున్నాం. దురదృష్టవశాత్తూ మా దృష్టి మరల్చబడుతోంది. ఉగ్రవాదం, యుద్ధం వంటి అనవసరమైన వాటితో మనం వ్యవహరించాల్సి వస్తోంది” అని కనిమొళి ఆవేదన వ్యక్తం చేశారు. భారతదేశం సురక్షితమైన ప్రదేశమని, కశ్మీర్ను సురక్షితంగా ఉంచుతామని ప్రభుత్వం హామీ ఇస్తుందని ఆమె తెలిపారు.
ప్రతినిధి బృందం – విస్తృత రాజకీయ భాగస్వామ్యాన్ని ప్రతిబింబిస్తుంది
ఈ బృందంలో వివిధ రాజకీయ పార్టీల ప్రతినిధులు ఉండటం గమనార్హం. ఇందులో ఐదు దేశాల పర్యటనలో భాగంగా కనిమొళి నేతృత్వంలోని ప్రతినిధి బృందానికి స్పెయిన్ చివరి మజిలీ. ఈ పర్యటన ముగించుకుని బృందం భారత్కు తిరిగి రానుంది. ఈ బృందంలో సమాజ్వాదీ పార్టీ ఎంపీ రాజీవ్ కుమార్ రాయ్, బీజేపీకి చెందిన బ్రిజేష్ చౌతా, ఆమ్ ఆద్మీ పార్టీ నేత అశోక్ మిట్టల్, ఆర్జేడీకి చెందిన ప్రేమ్ చంద్ గుప్తా, మాజీ దౌత్యవేత్త మంజీవ్ సింగ్ పురి తదితరులు సభ్యులుగా ఉన్నారు.
Read also: Gukesh : గుకేష్కు మోదీ, చంద్రబాబు అభినందనలు
