బహుజన సమాజ్ పార్టీ (బీఎస్పీ) అధ్యక్షురాలు మాయావతి మరో కీలక నిర్ణయం తీసుకున్నారు. తన మేనల్లుడు ఆకాష్ ఆనంద్ను జాతీయ సమన్వయకర్త పదవి నుంచి తొలగించారు. ఇటివలే ఆకాష్ ఆనంద్ మామ అశోక్ సిద్ధార్థ్ను పార్టీ నుండి బహిష్కరించిన తరువాత, ఈ నిర్ణయం తీసుకోవడం గమనార్హం. మాయావతి స్పష్టం చేస్తూ, తన బతికున్నంత కాలం పార్టీకి వారసుడిగా ఎవరూ ఉండరని ప్రకటించారు.
బీఎస్పీ సమావేశం
లక్నోలో జరిగిన అఖిల భారత బీఎస్పీ సమావేశంలో ఈ ప్రకటన వెలువడింది. పార్టీ సీనియర్ నాయకులు, కార్యకర్తల సమక్షంలో ఆమె మాట్లాడుతూ, బీఎస్పీ వ్యవస్థాపకుడు కాన్షీరామ్ సిద్ధాంతాలకు అనుగుణంగా పార్టీని ముందుకు తీసుకెళ్లాలని, కుటుంబ రాజకీయం తన పార్టీకి అశ్రేయపడదని స్పష్టంగా తెలియజేశారు. పార్టీని బలోపేతం చేయడమే తన ప్రధాన లక్ష్యమని ఆమె ప్రకటించారు.
ఆకాష్ ఆనంద్ తొలగింపు
ఆకాశ్ ఆనంద్ను తన బాధ్యతల నుండి తొలగించడం ఇది రెండోసారి. మొదటి సారి గత ఏడాది మేలో, లోక్సభ ఎన్నికల సమయంలో తొలగిస్తే, ఇప్పుడు మరోసారి తప్పించారు. మాయావతి మాట్లాడుతూ.ఉత్తరప్రదేశ్ బహుజన సమాజం అభివృద్ధి, రాష్ట్ర పురోగతికే కాకుండా మొత్తం దేశ పురోగతికి అవసరమని మాయావతి నొక్కిచెప్పారు. బీఎస్పీ వ్యవస్థాపకుడు కాన్షీరామ్ జయంతి వేడుకల ప్రణాళికలను కూడా ఆమె వివరించారు. కాన్షీరామ్ సూత్రాల గురించి మాట్లాడుతూ, కుటుంబ సభ్యులు పార్టీలో పనిచేయడాన్ని ఆయన ఎప్పుడూ వ్యతిరేకించలేదని, పార్టీకి లేదా ఉద్యమానికి హాని కలిగించడానికి వారిలో ఎవరైనా తన పేరును దుర్వినియోగం చేస్తే, వారిని వెంటనే తొలగిస్తానని ఆయన స్పష్టంగా చెప్పారని పేర్కొన్నారు.
రాంజీ గౌతమ్ జాతీయ సమన్వయకర్త
ఆకాశ్ ఆనంద్ను తొలగించి ఆ స్థానంలో రాజ్యసభ ఎంపీ రాంజీ గౌతమ్ను బీఎస్పీ జాతీయ సమన్వయకర్తగా తిరిగి నియమించారు, ఆయన 2019 వరకు ఆ పదవిలో కొనసాగిన విషయం తెలిసిందే.
పార్టీ సీనియర్ నాయకుడు, మాజీ రాజ్యసభ ఎంపీ, ఆకాష్ ఆనంద్ మామ అయిన అశోక్ సిద్ధార్థ్ను పార్టీ నుంచి బహిష్కరించిన కొద్ది రోజులకే ఆమె ఈ నిర్ణయం తీసుకున్నారు. ఆకాశ్ ఆనంద్ రాజకీయ జీవితాన్ని అతని మామ ప్రభావితం చేశారని, అతను ఇప్పటికీ తన కుమార్తె, ఆకాశ్ ఆనంద్ భార్య ప్రగ్యా ద్వారా అతనిపై ప్రభావం చూపుతున్నాడని ఆమె పేర్కొన్నారు.
మాయావతి వ్యాఖ్యలు
అశోక్ సిద్ధార్థ్ పార్టీలోనే విభజనకు కారణమయ్యారని, బీఎస్పీ సంస్థాగత బలాన్ని బలహీనపరిచే వర్గాలను సృష్టించారని మాయావతి ఆరోపించారు. ఇక ఆకాష్ ఆనంద్ పై అతని మామ ప్రభావం చూపే అవకాశం ఉన్నందున, అతని తొలగింపు తప్పనిసరి చర్య అని ఆమె వివరించింది.
జాతీయ ఉపాధ్యక్షుడు
అదనంగా, పార్టీ సంస్థాగత నిర్మాణాన్ని మరింత బలోపేతం చేయడానికి రాజ్యసభ ఎంపీ రాంజీ గౌతమ్ను జాతీయ సమన్వయకర్తగా నియమించారు. పార్టీ వ్యవహారాలను నిర్వహించడంలో ఆనంద్ కుమార్ సామర్థ్యంపై మాయావతి విశ్వాసం వ్యక్తం చేశారు. ఆయన తనను ఎప్పుడూ నిరాశపరచలేదని, బీఎస్పీ లక్ష్యానికి విధేయుడిగా ఉన్నారని అన్నారు.
