BSF border security : దేశ సరిహద్దు అంటే మనకు ముందుగా గుర్తుకు వచ్చేది ముళ్లకంచె, ఆయుధాలు, అప్రమత్తంగా గస్తీ కాస్తున్న జవాన్లు. కానీ కొన్ని సరిహద్దు ప్రాంతాల్లో కంచెలకు ఖాళీ గాజు సీసాలు వేలాడుతూ కనిపిస్తాయి. చూడటానికి ఇది విచిత్రంగా అనిపించినా, చొరబాటుదారులను అడ్డుకునే తెలివైన భద్రతా వ్యూహమిది. ఈ పద్ధతిని బోర్డర్ సెక్యూరిటీ ఫోర్స్ (BSF) ఉపయోగిస్తోంది.
శబ్దమే హెచ్చరిక
పంజాబ్, జమ్మూ-కాశ్మీర్ వంటి సరిహద్దు ప్రాంతాల్లో శీతాకాలంలో దట్టమైన పొగమంచు ఉంటుంది. అలాంటి సమయంలో అధునాతన కెమెరాలు, సెన్సార్లు కూడా కొన్నిసార్లు స్పష్టంగా పనిచేయకపోవచ్చు. ఈ సమయంలో గాజు సీసాలు అలారం పాత్ర పోషిస్తాయి. ఎవరైనా కంచెను తాకినా, కోయడానికి ప్రయత్నించినా సీసాలు ఒకదానికొకటి తగిలి శబ్దం చేస్తాయి. ఆ “కిణ కిణ” శబ్దమే జవాన్లకు హెచ్చరికగా మారుతుంది.
తక్కువ ఖర్చు – ఎక్కువ ఫలితం
ఈ సీసాలకు విద్యుత్ అవసరం లేదు. గాలికి ఊగకుండా ప్రత్యేకంగా అమర్చుతారు, కేవలం కదలిక ఉన్నప్పుడు మాత్రమే శబ్దం వస్తుంది. రాత్రివేళ టార్చ్ కాంతి పడితే గాజు సీసాలు కాంతిని ప్రతిబింబిస్తాయి. దీంతో కంచె వద్ద అనుమానాస్పద కదలికలను సులభంగా గుర్తించవచ్చు.
Read Also: Thailand: డే కేర్ స్కూల్లో కాల్పులు
మానసిక ప్రభావం
చిన్న శబ్దమే చొరబాటుదారుల్లో భయాన్ని కలిగిస్తుంది. తాము పట్టుబడతామనే ఆందోళన వారిని వెనక్కి తగ్గిస్తుంది.
లేజర్ గోడలు, థర్మల్ ఇమేజింగ్ వంటి ఆధునిక సాంకేతిక పద్ధతులు ఉన్నప్పటికీ, ఈ ‘లో-టెక్’ సీసాల పద్ధతిని జవాన్లు ఇప్పటికీ విశ్వసిస్తున్నారు. టెక్నాలజీ ఎప్పుడైనా విఫలమవచ్చు, కానీ ఈ సరళమైన పద్ధతి మాత్రం ఎప్పుడూ అప్రమత్తంగా పనిచేస్తుందన్నది వారి నమ్మకం.
Read hindi news: hindi.vaartha.com
Read Also Epaper : epaper.vaartha.com
Read Also:
