ఆర్బీఐ ఇటీవల రెపో రేటును 0.25 శాతం తగ్గించిన నేపథ్యంలో పలు బ్యాంకులు రుణ వడ్డీ రేట్లను తగ్గిస్తూ నిర్ణయాలు తీసుకుంటున్నాయి. తాజగా కెనరా బ్యాంక్, ఇండియన్ బ్యాంక్ వడ్డీ రేట్ల తగ్గింపును ప్రకటించాయి. దీంతో హోమ్ లోన్, వాహన రుణాలు తీసుకోవాలనుకునే వినియోగదారులకు ఇది మంచి అవకాశం కావచ్చునని భావిస్తున్నారు.
కెనరా బ్యాంక్ తాజా ప్రకటన ప్రకారం, హౌస్ లోన్కు కనీస వడ్డీ రేటు 7.90 శాతం నుంచి ప్రారంభమవుతుండగా, వాహన రుణానికి 8.20 శాతం నుంచి మొదలవుతుంది. ఇదే తరహాలో ఇండియన్ బ్యాంక్ కూడా తమ గృహ రుణ వడ్డీ రేటును 7.90 శాతంగా, వాహన రుణ రేటును 8.25 శాతంగా నిర్ణయించింది. ఈ వడ్డీ రేట్లు ఇప్పటికే ఏప్రిల్ 12 నుంచే అమల్లోకి వచ్చాయని బ్యాంకులు ప్రకటించాయి.
వడ్డీ రేట్ల తగ్గింపు అనేది రుణదారులపై ఆర్థిక భారం కొంతవరకైనా తగ్గించనుంది. ముఖ్యంగా కొత్తగా హౌస్ లోన్ తీసుకునే వారు మరియు వాహనాల కొనుగోలుకు రుణం కోరేవారికి ఇది ఉత్తమ సమయంగా నిలవనుంది. ఆర్బీఐ మరోసారి రెపో రేటును తగ్గించే అవకాశాలున్నాయని అంచనాలు ఉన్నాయి. ఈ నేపథ్యంలో మరిన్ని బ్యాంకులు కూడా త్వరలో వడ్డీ రేట్లను తగ్గించే అవకాశముంది.
