భారతదేశం – యునైటెడ్ అరబ్ ఎమిరేట్స్ (యుఎఇ) మధ్య సరికొత్త రవాణా విప్లవం రాబోతోంది! ముంబై నగరాన్ని దుబాయ్ నగరంతో అనుసంధానిస్తూ, అరేబియా సముద్రం అడుగున 2,000 కిలోమీటర్ల పొడవైన హై-స్పీడ్ నీటి అడుగున రైలు మార్గాన్ని నిర్మించే ఒక సంచలనాత్మక ప్రాజెక్ట్ ప్రతిపాదన తెరపైకి వచ్చింది. యుఎఇకి చెందిన నేషనల్ అడ్వైజర్ బ్యూరో లిమిటెడ్ (NABL) ఈ ప్రతిష్టాత్మక ప్రాజెక్ట్కు సారథ్యం వహిస్తోంది. ఈ ప్రాజెక్ట్ పూర్తయితే, ఈ రెండు నగరాల మధ్య ప్రయాణ సమయం కేవలం రెండు గంటలకు తగ్గిపోతుంది!
గంటకు 600 నుండి 1,000 కిలోమీటర్ల వేగంతో.
ఈ ప్రతిపాదిత నీటి అడుగున రైలు, హైపర్లూప్ వ్యవస్థను పోలిన అధునాతన సాంకేతికతను ఉపయోగించుకుంటుంది. గంటకు 600 నుండి 1,000 కిలోమీటర్ల వేగంతో దూసుకుపోయే ఈ రైలు, ఇండియా – యుఎఇ మధ్య కనెక్టివిటీని గణనీయంగా పెంచుతుంది. సాంప్రదాయ విమాన ప్రయాణానికి ఇది ఒక వేగవంతమైన, సమర్థవంతమైన ప్రత్యామ్నాయంగా నిలుస్తుంది.
ఇంజనీర్లకు అనేక సవాళ్లు..
ప్రయాణీకుల రవాణాతో పాటు, ఈ ప్రాజెక్ట్ ముడి చమురు, నీటి వంటి వస్తువుల రవాణాను కూడా సులభతరం చేస్తుంది. తద్వారా ఈ రెండు దేశాల మధ్య వాణిజ్య సంబంధాలు మరింత బలపడతాయి. ఆర్థిక , లాజిస్టికల్ అవసరాలను తీర్చగల సామర్థ్యం ఈ ప్రాజెక్ట్ సొంతం. ఇది ద్వంద్వ ప్రయోజనాలతో కూడిన సమర్థవంతమైన నమూనాగా రూపొందించబడింది. ఇంజనీర్లకు అనేక సవాళ్లు.. అయితే, 2,000 కిలోమీటర్ల పొడవైన సముద్ర గర్భంలో సొరంగం నిర్మించడం అనేది ఇంజనీర్లకు అనేక సవాళ్లను విసురుతుంది. ఈ ప్రాజెక్టుకు అపారమైన నిధులు అవసరం అవుతాయి. ఈ ప్రాజెక్ట్ కేవలం రెండు నగరాలను కలపడమే కాదు, రెండు దేశాల భవిష్యత్తును, ప్రపంచ రవాణా ముఖచిత్రాన్ని కూడా మార్చే శక్తిని కలిగి ఉంది. ఇది కల నిజమయ్యే రోజు కోసం ప్రపంచం ఎదురుచూస్తోంది!
Read Also: Donald Trump: భారత ఐటీ రంగంపై ట్రంప్ పిడుగు..కోలుకొని దెబ్బే
