పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ కాంబినేషన్లో వస్తున్న ‘ఉస్తాద్ భగత్ సింగ్’ చిత్రంపై టాలీవుడ్లో భారీ అంచనాలు ఉన్నాయి. గతంలో వీరిద్దరి కలయికలో వచ్చిన ‘గబ్బర్ సింగ్’ సృష్టించిన సంచలనం దృష్ట్యా, ఈ సినిమా విడుదల తేదీపై సోషల్ మీడియాలో జరుగుతున్న తాజా ప్రచారం అభిమానుల్లో ఉత్సాహాన్ని నింపుతోంది. చాలా కాలంగా షూటింగ్ వాయిదా పడుతూ వస్తున్న ఈ చిత్రాన్ని మార్చి 26న విడుదల చేసేందుకు మేకర్స్ ప్లాన్ చేస్తున్నట్లు వార్తలు వస్తున్నాయి. నిజానికి అదే తేదీకి మెగా పవర్ స్టార్ రామ్ చరణ్ నటిస్తున్న ‘పెద్ది’ సినిమా విడుదల కావాల్సి ఉంది. అయితే, కొన్ని కారణాల వల్ల ‘పెద్ది’ వాయిదా పడే అవకాశం ఉండటంతో, ఆ ఖాళీని ‘ఉస్తాద్ భగత్ సింగ్’తో భర్తీ చేయాలని నిర్మాతలు భావిస్తున్నట్లు సమాచారం. ఒకవేళ ఇదే నిజమైతే, వేసవి సెలవుల ఆరంభంలో పవన్ కళ్యాణ్ బాక్సాఫీస్ వద్ద తన సత్తా చాటేందుకు మంచి అవకాశం దొరికినట్లే.
Ursula von der Leyen : గణతంత్ర దినోత్సవానికి ఈయూ చీఫ్? ఢిల్లీకి ఉర్సులా!
‘గబ్బర్ సింగ్’ వంటి ఆల్ టైమ్ హిట్ తర్వాత పవన్, హరీష్ శంకర్ మళ్లీ జతకట్టడం ఈ సినిమాకు అతిపెద్ద బలం. మైత్రీ మూవీ మేకర్స్ ఈ చిత్రాన్ని అత్యంత ప్రతిష్టాత్మకంగా, భారీ బడ్జెట్తో నిర్మిస్తోంది. ఇందులో యువ సంచలనం శ్రీలీల మరియు టాలెంటెడ్ బ్యూటీ రాశి ఖన్నా హీరోయిన్లుగా నటిస్తుండటం సినిమాకు మరింత గ్లామర్ జోడించింది. ఇప్పటికే విడుదలైన గ్లింప్స్ లో పవన్ కళ్యాణ్ మేనరిజమ్స్, డైలాగ్ డెలివరీ పాత రోజులను గుర్తుచేస్తూ ఫ్యాన్స్కు పూనకాలు తెప్పిస్తున్నాయి.
ఈ చిత్రానికి రాక్ స్టార్ దేవిశ్రీ ప్రసాద్ సంగీతం అందిస్తుండటంతో ఆడియోపై భారీ అంచనాలు ఉన్నాయి. ఆయనంక బోస్ సినిమాటోగ్రఫీ, ‘కేజీఎఫ్’ ఫేమ్ ఉజ్వల్ కులకర్ణి ఎడిటింగ్ ఈ సినిమాను విజువల్ గా మరో లెవల్కు తీసుకెళ్తాయని తెలుస్తోంది. రాజకీయాల్లో బిజీగా ఉన్న పవన్ కళ్యాణ్, తన ఇమేజ్కు తగ్గట్లుగా పవర్ఫుల్ పోలీస్ ఆఫీసర్ పాత్రలో కనిపించబోతున్నారు. హరీష్ శంకర్ మార్క్ మాస్ డైలాగులు, పవన్ కళ్యాణ్ స్వాగ్ తోడైతే ఈ సినిమా బాక్సాఫీస్ వద్ద రికార్డులు తిరగరాయడం ఖాయమని ట్రేడ్ విశ్లేషకులు భావిస్తున్నారు.
Read hindi news: hindi.vaartha.com
Read Also Epaper : epaper.vaartha.com
