Salaar 2 teaser : రెబల్ స్టార్ Prabhas హీరోగా నటించిన భారీ యాక్షన్ మూవీ Salaar: Part 1 – Ceasefire ప్రేక్షకుల్లో ప్రత్యేక స్థానం సంపాదించుకుంది. దర్శకుడు Prashanth Neel తెరకెక్కించిన ఈ చిత్రం ప్రభాస్ను సరికొత్త మాస్ అవతారంలో చూపించి అభిమానులను ఉర్రూతలూగించింది.
ఇప్పటికే ఈ సినిమాకు సీక్వెల్గా రానున్న **‘సలార్: పార్ట్ 2 – శౌర్యాంగ పర్వం’**పై భారీ అంచనాలు నెలకొన్నాయి. తాజాగా సోషల్ మీడియాలో ఓ క్రేజీ రూమర్ వేగంగా వైరల్ అవుతోంది. జనవరి 25, 2026న సలార్ 2 అనౌన్స్మెంట్ టీజర్ విడుదలయ్యే అవకాశం ఉందని ప్రచారం జరుగుతోంది. అయితే ఇప్పటివరకు మేకర్స్ లేదా హోంబాలే ఫిల్మ్స్ నుంచి ఎలాంటి అధికారిక ప్రకటన వెలువడలేదు.
Read also: RBI: ఇకపై వెండి వస్తువులకు కూడా బ్యాంకుల్లో తాకట్టు సదుపాయం
ప్రస్తుతం ప్రశాంత్ నీల్, జూనియర్ ఎన్టీఆర్తో (Salaar 2 teaser) తెరకెక్కిస్తున్న ‘డ్రాగన్’ (టెంటేటివ్ టైటిల్) షూటింగ్లో బిజీగా ఉన్నారు. మరోవైపు ప్రభాస్ ఇటీవల ‘ది రాజా సాబ్’ సినిమాతో ప్రేక్షకులను అలరించారు. సలార్ 2 షూటింగ్ ఇంకా ప్రారంభం కాలేకపోయినా, ఈ కథను రెండు భాగాలుగా చెప్పాలన్నది ముందుగానే ప్లాన్ చేసినట్లు దర్శకుడు గత ఇంటర్వ్యూల్లో వెల్లడించారు.
పార్ట్ 1 చివర్లో ఎండ్ క్రెడిట్ సీన్లోనే ‘శౌర్యాంగ పర్వం’ అనే టైటిల్ను రహస్యంగా వెల్లడించడం అభిమానులకు ప్రత్యేక ఆకర్షణగా మారింది. సీక్వెల్లో దేవ (ప్రభాస్) పాత్ర శౌర్యాంగ వంశానికి చెందిన వ్యక్తిగా పూర్తిస్థాయి మార్పుకు లోనవుతూ, వరద (పృథ్విరాజ్ సుకుమారన్)కి వ్యతిరేకంగా నిలబడే ట్రాక్ ప్రధానంగా ఉండనుందని టాక్. కొత్త యాక్షన్ సీక్వెన్స్లు, భారీ కథా మలుపులు ఈ భాగంలో హైలైట్ కానున్నాయని సమాచారం.
ఇప్పుడు అందరి దృష్టి ఒక్కటే—జనవరి 25, 2026న టీజర్ రూమర్ నిజమవుతుందా? అధికారిక అప్డేట్ ఎప్పుడొస్తుందన్నదానిపై అభిమానులు ఉత్కంఠగా ఎదురుచూస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
