హైదరాబాద్ శిల్పకళా వేదికలో జరిగిన ‘హరిహర వీరమల్లు’ ప్రీ రిలీజ్ ఈవెంట్ (Hari hara veera mallu) పవర్ స్టార్ పవన్ కళ్యాణ్ భావోద్వేగ ప్రసంగంతో సందడి చేసింది. తన జీవిత ప్రయాణం, అభిమానుల మద్దతు, వ్యక్తిగత విలువల గురించి మాట్లాడిన పవన్, “నేను ఎప్పుడూ రికార్డుల కోసం కాక, సగటు మనిషిగా బతకాలని మాత్రమే అనుకున్నాను” అన్నారు. తాను ఎంత కష్టాల్లో ఉన్నా వెనుక తిరిగి నిలిపింది ఫ్యాన్స్ ప్రేమేనని చెప్పారు. “నా దగ్గర గూండాలు లేవు, ఆయుధాలు లేవు… గుండెల్లో మీరు ఉన్నారు, అదే నా బలం” అని అన్నారు.
బ్రహ్మానందం ప్రసంగంతో నవ్వుల పంట
ఈ వేడుకలో ప్రముఖ నటుడు బ్రహ్మానందం తన హాస్యభరితమైన, హృదయాన్ని తాకే ప్రసంగంతో ప్రత్యేక ఆకర్షణగా నిలిచారు. పవన్ కళ్యాణ్ మానవత్వం, విలువల పట్ల అంకితభావం, మరియు నిబద్ధతను ప్రశంసిస్తూ “లేచిన కెరటం కాదు, పడి లేచిన కెరటం గొప్పది” అన్నారు. తనకు పవన్ కళ్యాణ్పై ఉన్న మమకారాన్ని వ్యక్తపరిచిన బ్రహ్మానందం చివర్లో “మీ ఒడిలో తల పెట్టుకుని వెక్కి వెక్కి ఏడవాలనుంది” అని చెప్పినపుడు పవన్ కళ్యాణ్ ఆ హృద్యమైన మాటలకు విపరీతంగా నవ్వుతూ స్పందించారు.
21వ శతాబ్దపు శివాజీగా పవన్ కళ్యాణ్
దర్శకుడు జ్యోతికృష్ణ మాట్లాడుతూ పవన్ కళ్యాణ్ (Pawan Kalyan)ను 21వ శతాబ్దపు ఛత్రపతి శివాజీగా అభివర్ణించారు. “ఈ సినిమా 1684లోని ఓ యోధుడి ధర్మపోరాటాన్ని వివరిస్తుంది. కాశీ, జ్యోతిర్లింగాల రక్షణ కోసం జరిగిన యుద్ధం ఇందులో ప్రాణంగా నిలుస్తుంది” అన్నారు. ఈ సినిమాకు దర్శకత్వం వహించడానికి తనకు అవకాశం దక్కినందుకు తండ్రి పేరునే కారణంగా చెప్పారు. నిర్మాత ఎఎం రత్నం ఈ సినిమాను నిర్మించినందుకు గర్వంగా ఉందని చెప్పారు. ఈ పాన్ ఇండియా మూవీ ద్వారా పవన్ కళ్యాణ్ చారిత్రక పాత్రలో మరోసారి తన విభిన్న నటనను చూపించబోతున్నారని అందరి అంచనాలు పెరిగాయి.
Read Also : Annavaram Devender : అన్నవరం దేవేందర్ కు దాశరథి పురస్కారం
