Movie Review: దుల్కర్ సల్మాన్ ప్రధాన పాత్రలో రూపొందిన తాజా చిత్రం ‘కాంత’. సెల్వమణి సెల్వరాజ్ దర్శకత్వం వహించిన ఈ సినిమా ఈరోజు ప్రేక్షకుల ముందుకు వచ్చింది. మలయాళ సినీ పరిశ్రమ నుంచి తెలుగు ప్రేక్షకులకు విపరీతమైన చేరువైన హీరో దుల్కర్ సల్మాన్కి ఇది మరో కీలక విడుదల. వరుస విజయాల తర్వాత వచ్చిన ఈ చిత్రంతో పాటు, సరైన బ్రేక్ కోసం ఎదురు చూస్తున్న భాగ్యశ్రీ బోర్సేకు కూడా ఇది ముఖ్యమైన అవకాశం. మరి ఈ సినిమా ఎలా ఉందో ఇప్పుడు చూద్దాం.
Read Also: CII Summit 2025: ఆంధ్రప్రదేశ్లో అదానీ గ్రూప్ భారీ పెట్టుబడి
కథ
సినిమా నేపథ్యం 1950ల మద్రాస్. ఒకప్పుడు మంచి పేరు తెచ్చుకున్న దర్శకుడు ‘అయ్య’ (సముద్రఖని), 12 ఏళ్ల క్రితం ఆగిపోయిన ఒక చిత్రాన్ని ఇప్పుడు పూర్తిచేయాలని నిర్ణయించుకుంటాడు. అప్పట్లో మహాదేవన్ (దుల్కర్ సల్మాన్)ను హీరోగా పెట్టి, తన తల్లి పేరుతో ‘శాంత’ అనే సినిమాను షూట్ చేయడం ప్రారంభిస్తాడు. కానీ కొన్ని కారణాల వల్ల ఆ సినిమా మధ్యలోనే ఆగిపోతుంది. ఇప్పుడు అదే సినిమాను తిరిగి పూర్తి చేయాలని అయ్య సంకల్పిస్తాడు.
మహాదేవన్ కూడా మళ్లీ హీరోగా చేయడానికి అంగీకరిస్తాడు. హీరోయిన్ పాత్రలో బర్మాకు చెందిన యువతి కుమారి (భాగ్యశ్రీ బోర్సే)ని పరిచయం చేస్తాడు. షూటింగ్ సమయంలో మహాదేవన్ మరియు దర్శకుడు ఒకరి మీద ఒకరు అసహనం చూపుతుండడాన్ని కుమారి గమనిస్తుంది. కారణం అడిగితే ఇద్దరూ చెప్పరు. అసలు విషయం ఏమిటంటే అయ్య డైరెక్షన్ను మహాదేవన్ ఇంటర్ఫియర్ అవుతాడు. టైటిల్తో సహా తన ఇష్టానుసారం మార్చడం దర్శకుడికి నచ్చదు.
మరోవైపు మహాదేవన్ కుమారి పెరుగుతున్న పరిచయం ప్రేమగా మారుతుంది. వారి ప్రేమ పెళ్లికి దారి తీస్తుంది. ఈ విషయాలు అయ్యకే కాక, మహాదేవన్ భార్య దేవికి కూడా నచ్చవు. పరిస్థితి మహాదేవన్ మామగారి చెవిలో పడుతుంది. ఇక కుమారికి ఎలాంటి పరిస్థితులు ఎదురవుతాయి? ఆమె ప్రేమ కథ సఫలం అవుతుందా? మహాదేవన్–అయ్య మధ్య అసలు ఏమి జరిగింది? అనేదే మిగతా కథ.
విశ్లేషణ
Movie Review: ఈ చిత్రం పూర్తిగా 1950ల కాలం నాటి స్టూడియో వాతావరణం చుట్టూ తిరుగుతుంది. దర్శకుడు హీరో హీరోయిన్ల మధ్య జరిగే సంఘటనలు కథకు కేంద్రబిందువు. కొత్త హీరోయిన్ను పరిచయం చేయడం, పాత హీరోపై ఉన్న నమ్మకం, స్టూడియో రాజకీయాలు… ఇవన్నీ కథను ముందుకు నడిపించే అంశాలు.
సినిమా మొదలునుంచే ఒక ప్రశ్న ప్రేక్షకులను వెంటాడుతుంది హీరో మరియు దర్శకుడి మధ్య గొడవకు కారణం ఏమిటి? ఇంటర్వెల్ సస్పెన్స్ను సెకండాఫ్లో అనేక మలుపులు తీసుకుంటూ తీసుకెళ్లారు. చివర్లో ఒక ట్విస్ట్ ఉంటుంది, అది బాగానే అనిపిస్తుంది కానీ అక్కడి వరకూ ప్రయాణం కొద్దిగా ఓపిక పరీక్షిస్తుంది.
1950ల కాలాన్ని చూపించడానికి స్టూడియో లొకేషన్లకు మాత్రమే పరిమితం కావడం సినిమాను కొంచెం బాక్స్డ్గా ఫీల్ వచ్చేలా చేస్తుంది. ఫస్ట్హాఫ్ షూటింగ్ సందడి, సెకండ్హాఫ్ రానా పోలీస్ పాత్రతో కూడిన విచారణలతో నడుస్తుంది. ఈ రెండూ కొన్నిసార్లు నడకను మందగింపజేస్తాయి.
పనితీరు
కథ బాగానే ఉన్నా, ఇది సినిమా కన్నా నాటకం లేదా పుస్తకంలా కనిపిస్తుంది. కథనాన్ని తెరపై చక్కగా మలచడంలో దర్శకుడు కొంచెం కష్టపడ్డాడు. 12 ఏళ్లుగా మనస్పర్థలు ఉన్న హీరో దర్శకుడు ఒక్కసారిగా మళ్లీ కలిసి పనిచేయడం ప్రేక్షకులకు నమ్మదగినట్టుగా కనిపించదు.
దుల్కర్ సల్మాన్, సముద్రఖని నటనలో ఎలాంటి లోపం లేదు. భాగ్యశ్రీ బోర్సే అందంగా నటించింది. రానా పోలీస్ ఆఫీసర్గా తన ఎనర్జీ చూపించాడు. మిగతా పాత్రలు సాధారణంగానే సాగిపోయాయి. సినిమాటోగ్రఫీ, బ్యాక్గ్రౌండ్ మ్యూజిక్, ఎడిటింగ్ అన్నీ సగటు స్థాయి. “ఒక అబద్ధం ఎన్నో నిజాలు బయటపెడుతుంది”, “మీరు ఇచ్చింది అవకాశం మాత్రమే, జీవితం కాదు” లాంటి కొన్ని డైలాగులు మాత్రం మంచి ఇంపాక్ట్ ఉన్నాయి.
ముగింపు
‘కాంత’ అనే టైటిల్ ఆకర్షణీయంగా ఉన్నా, కథను పూర్తిగా స్టూడియో సెట్లో నడపడం వల్ల కొత్తగా అనిపిస్తుంది. 1950ల నేపథ్యం ఆసక్తికరంగా ఉన్నప్పటికీ, కథనంలో ఉన్న పునరావృతం, నెమ్మదైన నడక సినిమా ఇంపాక్ట్ను తగ్గించింది. టైటిల్ అంచనాలను, కంటెంట్ మాత్రం పూర్తిగా చేరుకోలేదని చెప్పాలి.
Read hindi news: hindi.vaartha.com
Epaper : epaper.vaartha.com/
Read Also:
