పవర్ స్టార్ పవన్ కళ్యాణ్ (Pawan Kalyan) నటించిన పీరియాడిక్ యాక్షన్ డ్రామా ‘హరిహర వీరమల్లు’ ఈ నెల 24న గ్రాండ్గా విడుదల కానుంది. ఈ సినిమాలో హీరోయిన్గా నటించిన నిధి అగర్వాల్, పవన్తో కలిసి నటించిన అనుభవంపై ఆసక్తికర వ్యాఖ్యలు చేశారు. పవన్ కళ్యాణ్తో స్క్రీన్ షేర్ చేసుకోవడం తనకు ఒక గొప్ప అవకాశంగా భావిస్తున్నట్లు ఆమె పేర్కొన్నారు.
పవన్తో ఒక్క సినిమా చాలు – వంద సినిమాలకు సమానం
నిధి అగర్వాల్ ( Nidhi Agarwal) మాట్లాడుతూ, ‘‘పవన్ కళ్యాణ్ గారితో ఒక్క సినిమా చేసినా చాలు, అది వంద సినిమాలకు సమానం. అలాంటి స్టార్తో కలిసి పనిచేయడం నా కెరీర్లో ఒక ప్రత్యేక ఘట్టం’’ అని చెప్పింది. పవన్కు ఉన్న ఫ్యాన్ ఫాలోయింగ్, ఆయన వ్యక్తిత్వం, నటనా ప్రతిభ తనను ఎంతో ఆకట్టుకున్నాయని తెలిపింది. ఆయన ఎలా ఓ సీన్లో ఒదిగిపోతారో చూస్తుంటే ఆశ్చర్యం కలుగుతుందంటూ నిధి అన్నది.
సాహిత్యంపై పవన్ ఆసక్తి ఆసక్తికరంగా మారింది
పవన్ కళ్యాణ్కు సాహిత్యంపై ఉన్న ఆసక్తి, పుస్తక పఠనంపై ఉన్న అలవాటు తనను ఎంతో ప్రేరణనిచ్చిందని నిధి అగర్వాల్ పేర్కొన్నారు. షూటింగ్ గ్యాప్లలో కూడా పవన్ వాదనలు, చర్చలు, పుస్తకాలపై మాట్లాడటం తనకు కొత్తగా అనిపించిందని తెలిపారు. ఆయనలోని నిజమైన వ్యక్తిత్వం సినిమాకు మాత్రమే కాకుండా వ్యక్తిగతంగా కూడా ఎంతో నేర్చుకునే అంశాలని నిధి పేర్కొంది. పవన్ కళ్యాణ్తో పనిచేసిన అనుభవం జీవితాంతం గుర్తుండిపోతుందని ఆమె చెప్పింది.
Read Also : Hari Hara Veeramalu : హరిహర వీరమల్లు ప్రీ రిలీజ్ ఈవెంట్కి ముహూర్తం ఖరారు
