పవర్స్టార్ పవన్ కళ్యాణ్ హీరోగా నటిస్తున్న ‘OG‘ చిత్రంపై మెగా హీరో రామ్ చరణ్ ఆసక్తికర వ్యాఖ్యలు చేశారు. ఈ సినిమా కోసం తాను కూడా ఎంతో ఆసక్తిగా ఎదురుచూస్తున్నానని అన్నారు. పవన్ బాబాయితో పాటు తన అభిమానులందరూ కూడా ఈ సినిమా కోసం చాలా ఉత్సాహంగా ఉన్నారన్నారు. సంక్రాంతి పండుగకు తన సినిమా లేకపోతే, బలవంతంగా అయినా పవన్ బాబాయితో ‘OG’ సినిమా విడుదల చేయించేవాడినని చరణ్ వ్యాఖ్యానించారు. పవన్ కళ్యాణ్ చిత్రాలపై ఉన్న భారీ క్రేజ్ను చూస్తుంటే, ఈ సంక్రాంతి ‘OG’ సినిమా థియేటర్లను దద్దరిల్లజేయడం ఖాయమని ఆయన పేర్కొన్నారు.
ప్రస్తుతం రామ్ చరణ్ ‘గేమ్ ఛేంజర్’ ప్రమోషన్ల కోసం యూఎస్లో ఉన్నారు. ఈ సందర్భంగా అభిమానులతో పలు విషయాలను పంచుకున్నారు. ‘గేమ్ ఛేంజర్’ సినిమా తనకు చాలా ప్రత్యేకమని, ఇది కేవలం సాంగ్స్, ఫైట్స్తో కాకుండా పాఠాలన్నీ కలిపి కొత్త అనుభూతిని అందిస్తుందని చరణ్ తెలిపారు. ‘గేమ్ ఛేంజర్’ తన సోలో చిత్రం ఐదేళ్ల తర్వాత విడుదలవుతోందని చరణ్ తెలిపారు. గతంలో ఆయన నటించిన ‘రంగస్థలం’ వంటి బ్లాక్బస్టర్ తర్వాత, ఇప్పుడు ఈ సినిమా ప్రేక్షకుల మనసును ఎలా దోచుకుంటుందో చూడాలని అభిమానులు ఆసక్తిగా ఉన్నారు.
