నాగ్ అశ్విన్ తెరకెక్కించిన విజువల్ వండర్ ‘కల్కి 2898 AD’ బాక్సాఫీస్ వద్ద సృష్టించిన ప్రభంజనం మనందరికీ తెలిసిందే. ఇప్పుడు అందరి దృష్టి దీని సీక్వెల్ (కల్కి-2)పైనే ఉంది. అయితే, ఈ రెండో భాగంలో ఒక సెన్సేషనల్ కాస్టింగ్ మార్పు జరగబోతోందని ఫిలిం నగర్ వర్గాల్లో జోరుగా ప్రచారం సాగుతోంది. ముఖ్యంగా నేచురల్ స్టార్ సాయి పల్లవి ఈ ప్రాజెక్టులోకి రాబోతున్నారనే వార్త ఇప్పుడు సోషల్ మీడియాలో హాట్ టాపిక్గా మారింది.
Nandigam Suresh: దంపతుల నుంచి ప్రాణహాని ఉందంటూ వ్యక్తి ఆరోపణలు
కల్కి మొదటి భాగంలో దీపికా పదుకొణె ‘సుమతి’ అనే కీలక పాత్రలో నటించిన సంగతి తెలిసిందే. అయితే, రెండో భాగంలో ఈ పాత్రకు దర్శకుడు నాగ్ అశ్విన్ ఒక భారీ ఎమోషనల్ ట్విస్ట్ ప్లాన్ చేస్తున్నట్లు సమాచారం. కథా గమనంలో భాగంగా దీపికా క్యారెక్టర్ ముగిసి, ఆ స్థానంలోకి సాయి పల్లవి ప్రవేశించే అవకాశం ఉందని కథనాలు వస్తున్నాయి. సాయి పల్లవి తన సహజ సిద్ధమైన నటనతో ఏ పాత్రకైనా ప్రాణం పోయగలదని, అందుకే ఈ కీలక మలుపు కోసం ఆమెను తీసుకోవాలని నాగ్ అశ్విన్ భావిస్తున్నట్లు తెలుస్తోంది.
ఒకవేళ ఈ వార్త నిజమైతే, కల్కి-2పై అంచనాలు రెట్టింపు అవ్వడం ఖాయం. ప్రభాస్, అమితాబ్ బచ్చన్, కమల్ హాసన్ వంటి దిగ్గజాల సరసన సాయి పల్లవి లాంటి ప్రతిభావంతురాలు చేరితే ఆ సీన్ల గ్రావిటీ వేరే లెవల్లో ఉంటుంది. అయితే, ఇది దీపికా పాత్రకు రీప్లేస్మెంటా లేక కొత్తగా ప్రవేశించే మరో శక్తివంతమైన పాత్రనా అన్నది ఇంకా సస్పెన్స్గానే ఉంది. చిత్ర యూనిట్ నుంచి దీనిపై అధికారిక ప్రకటన వస్తే తప్ప ఈ విషయంపై పూర్తి స్పష్టత రాదు. ఏదేమైనా, ‘హైబ్రిడ్ పిల్ల’ కల్కి లోకంలోకి అడుగుపెడితే ఆ మ్యాజిక్కే వేరుగా ఉంటుంది.
Read hindi news: hindi.vaartha.com
Read Also Epaper : epaper.vaartha.com
