నిర్మాత బండ్ల గణేశ్ నోరు విప్పితే అది తరచూ వివాదాలకు కేంద్ర బిందువుగా నిలుస్తుందనే విషయం తెలిసిందే. ఇటీవల ‘లిటిల్ హార్ట్స్(Little Hearts”) సినిమా విజయోత్సవ సభలో ఆయన చేసిన కొన్ని పరోక్ష వ్యాఖ్యలు తెలుగు చిత్ర పరిశ్రమలో పెద్ద దుమారం రేపాయి. ఆ వ్యాఖ్యల వల్ల తాను ఎంతో బాధపడ్డానని, ఆనాటి సంతోషకరమైన వాతావరణం మొత్తం దెబ్బతిందని నిర్మాత బన్నీ వాసు తాజాగా ఓ ఇంటర్వ్యూలో తన ఆవేదన వ్యక్తం చేశారు.
Read Also: AP Road Repair: రోడ్ల మరమ్మతుల కోసం 1000 కోట్లు..
బండ్ల గణేశ్ వ్యాఖ్యలు
‘లిటిల్ హార్ట్స్’ సక్సెస్ మీట్లో బండ్ల గణేశ్(Bandla Ganesh) మాట్లాడుతూ, “ఇండస్ట్రీలో అందరూ మెగాస్టార్ బావమరిదిలా, స్టార్ కమెడియన్ కొడుకులా, ఐకాన్ స్టార్ తండ్రిలా పుట్టలేరు. కొందరికే ఆ అదృష్టం ఉంటుంది. మిగిలిన వాళ్లు ఎంత కష్టపడ్డా చివరికి పేరు మాత్రం వాళ్లకే వెళ్తుంది” అంటూ వ్యాఖ్యానించారు. ఈ మాటలు అగ్ర నిర్మాత అల్లు అరవింద్ను ఉద్దేశించే అన్నారనే చర్చ మొదలైంది. ఆ సమయంలో వేదికపై అల్లు అరవింద్ పక్కనే ఉన్న బన్నీ వాసు ఆ వ్యాఖ్యలకు అసహనానికి గురయ్యారు.
అక్కడికక్కడే బన్నీ వాసు స్పందన
మైక్ అందుకున్న బన్నీ వాసు వెంటనే సున్నితంగా బదులిచ్చారు. “అల్లు అరవింద్ గారు స్టార్ కమెడియన్కు పుట్టారనడం కరెక్ట్ కాదు. ఆయన పుట్టిన తర్వాతే అల్లు రామలింగయ్య గారు స్టార్ కమెడియన్ అయ్యారు. ఈ విషయం బహుశా బండ్ల గణేశ్ గారికి తెలిసి ఉండకపోవచ్చు” అని అక్కడికక్కడే స్పష్టత నిచ్చారు.
సంతోషకరమైన వాతావరణం దెబ్బతింది
ఈ వివాదంపై తాజాగా మరోసారి స్పందించిన బన్నీ వాసు, “బండ్ల గణేశ్ చేసిన వ్యాఖ్యలు నిజంగా షాకింగ్గా అనిపించాయి. ఇండస్ట్రీకి అల్లు అరవింద్ గారు చేసిన సేవలు అపారమైనవి. అలాంటి వ్యక్తి గురించి అలా మాట్లాడటం నన్ను చాలా బాధించింది. ఆ మాటలతో ఈవెంట్లోని సంతోషమంతా పోయింది” అని అన్నారు. కాగా, బండ్ల గణేశ్ వ్యాఖ్యలపై సోషల్ మీడియాలో మిశ్రమ స్పందన వ్యక్తమవుతోంది.
బండ్ల గణేశ్ ఎవరిని ఉద్దేశించి పరోక్ష వ్యాఖ్యలు చేశారు?
అగ్ర నిర్మాత అల్లు అరవింద్ను ఉద్దేశించి ఈ వ్యాఖ్యలు చేసినట్లు చర్చ జరుగుతోంది.
బన్నీ వాసు ఎందుకు బాధపడ్డారు?
అల్లు అరవింద్ గారి సేవలు అపారమైనవని, అలాంటి వ్యక్తి గురించి బండ్ల గణేశ్ మాట్లాడటం తనను బాధించిందని బన్నీ వాసు తెలిపారు.
Read hindi news: hindi.vaartha.com
Epaper : https://epaper.vaartha.com/
Read Also:
