US-Israel Iran War LIVE: క్షణక్షణం ఉత్కంఠం.. ఇజ్రాయెల్-ఇరాన్-అమెరికా వార్ అప్‌డేట్‌

అమెరికా–ఇజ్రాయెల్–ఇరాన్ యుద్ధంలో కీలక పరిణామం

• ఇరాన్‌కు మద్దతుగా చైనా గళం విప్పింది.
• ఇరాన్ సార్వభౌమాధికారాన్ని కాపాడుతామని చైనా ప్రకటించింది.
• అమెరికా, ఇజ్రాయెల్ వెంటనే దాడులు ఆపాలని చైనా కోరింది.
• ఇరానియన్ విదేశాంగ మంత్రి సయ్యద్ అబ్బాస్ అరఘ్చితో చైనా విదేశాంగ మంత్రి వాంగ్ యి ఫోన్‌లో మాట్లాడినట్లు సమాచారం.

Source: https://twitter.com/China_Amb_India/status/2028726159811452972

యుద్ధ పరిస్థితుల నేపథ్యంలో ఇండియన్ మెడికల్ అసోసియేషన్ సహాయక చర్యలు

• గల్ఫ్ దేశాల్లో చిక్కుకొని ఇబ్బంది పడుతున్న భారతీయులను సురక్షితంగా స్వదేశానికి చేర్చేందుకు చర్యలు చేపట్టారు.
• అత్యవసర హెల్ప్‌లైన్ నంబర్లు ఏర్పాటు చేసి సంబంధిత ఎంబసీలను సంప్రదించాలని సూచించారు.
• కువైట్‌లో ఉన్న భారతీయులు +965-65501946 నెంబర్‌ను సంప్రదించాలని తెలిపారు.
• ఒమన్‌లో ఉన్నవారి కోసం +968-98282270, 80071234 నంబర్లు ఏర్పాటు చేశారు.
• సౌదీ అరేబియాలోని భారతీయుల కోసం 00-966-11-4884697, 00-966-542126748, 8002471234 (టోల్-ఫ్రీ/వాట్సాప్) నంబర్లు అందుబాటులో ఉన్నాయి.
• బహ్రెయిన్‌లోని భారతీయులు 00973-39418071 నెంబర్‌ను సంప్రదించవచ్చు.
• దుబాయ్ (యునైటెడ్ అరబ్ ఎమిరేట్స్) లో ఉన్నవారి కోసం 800-46342 (టోల్-ఫ్రీ), +971-543090571 నంబర్లు ఏర్పాటు చేశారు.

ఇరాన్–ఇజ్రాయెల్ వార్ ఎఫెక్ట్: ప్రత్యేక విమానాల్లో భారత్‌కు భారతీయులు

• ఇరాన్–ఇజ్రాయెల్ యుద్ధ ప్రభావంతో దుబాయ్‌లో చిక్కుకున్న భారతీయులను తరలించేందుకు చర్యలు వేగవంతమయ్యాయి.
• దుబాయ్ నుంచి రెండు ప్రత్యేక విమానాలను మహారాష్ట్ర ప్రభుత్వం ఏర్పాటు చేసింది.
• మహారాష్ట్ర సీఎం ఆదేశాలతో ప్రత్యేక విమానాల ఏర్పాట్లు పూర్తయ్యాయి.
• UAEలోని ఫుజైరా విమానాశ్రయం నుంచి స్టార్ ఎయిర్ విమానాలు బయలుదేరనున్నాయి.
• మధ్యాహ్నం 3:30 మరియు సాయంత్రం 4:30 గంటలకు టేకాఫ్ కానున్నాయి.
• మొత్తం 164 మంది ప్రయాణికులతో ఈ రెండు విమానాలు ముంబై చేరుకోనున్నాయి.
• సాయంత్రం 6:30 తర్వాత ముంబైలో ల్యాండ్ అయ్యే అవకాశముంది.
• పుణేలోని ఇందిరా స్కూల్ ఆఫ్ బిజినెస్ స్టడీస్‌కు చెందిన 84 మంది విద్యార్థులు దుబాయ్‌లో చిక్కుకుపోయినట్లు సమాచారం.

ఆరాంకోపై ఇరాన్ దాడి: ధ్వంసమైన రిఫైనరీ

• సౌదీ అరేబియాలోని రస్ తనూరాలో ఉన్న ఆరాంకో ఆయిల్ రిఫైనరీపై ఇరాన్ దాడి జరిగినట్లు సమాచారం.
• విధ్వంసానికి సంబంధించిన శాటిలైట్ చిత్రాలు వెలుగులోకి వచ్చినట్లు నివేదికలు చెబుతున్నాయి.
• ఆయిల్ రిఫైనరీతో పాటు పలు కీలక ప్రాంతాలపై కూడా దాడులు జరిగినట్లు తెలుస్తోంది.
• ఇరాన్ మిసైల్ మరియు డ్రోన్ దాడులతో పలు ప్రాంతాల్లో భారీ నష్టం సంభవించినట్లు సమాచారం.

బహ్రెయిన్‌లో చెలరేగిన అంతర్గత అల్లర్లు

• యుద్ధ పరిస్థితుల నేపథ్యంలో ఇరాన్ అనుకూల, వ్యతిరేక వర్గాల మధ్య తీవ్ర ఘర్షణలు చోటుచేసుకున్నాయి.
• ఇరాన్‌కు అనుకూల విధానానికి మద్దతుగా షియా వర్గానికి చెందిన ప్రజలు రోడ్లపైకి వచ్చారు.
• ఇరాన్ దాడులను వ్యతిరేకిస్తున్న సున్నీ పాలక వర్గం కఠిన చర్యలు చేపట్టింది.
• అమెరికా, ఇజ్రాయెల్ దాడులపై షియా వర్గం నిరసనలు వ్యక్తం చేసింది.
• కొన్ని ప్రాంతాల్లో భద్రతా బలగాలపై చేతికందిన వస్తువులు విసిరిన ఘటనలు నమోదయ్యాయి.