ఆంధ్రప్రదేశ్ ప్రభుత్వం ఖరీఫ్ ధాన్యం సేకరణ గడువును మార్చి నెలాఖరు వరకు పొడిగించినట్లు ప్రకటించింది. ఈ నిర్ణయంతో ధాన్యం విక్రయానికి నోచుకోని రైతులకు మరింత సౌలభ్యం కలుగనుంది. ఇప్పటివరకు రాష్ట్రవ్యాప్తంగా 31.52 లక్షల టన్నుల ధాన్యం కొనుగోలు చేసినట్లు ప్రభుత్వం వెల్లడించింది. రైతుల ధాన్య విక్రయాల కోసం ప్రభుత్వం ప్రత్యేక చర్యలు తీసుకుంటోంది. ఇప్పటివరకు రైతుల ఖాతాల్లో రూ.7,222 కోట్లు నేరుగా జమ చేసినట్లు అధికారులు తెలిపారు. విక్రయించిన ధాన్యానికి సంబంధించి రైతులకు తక్షణమే చెల్లింపులు చేయడానికి చర్యలు తీసుకుంటున్నట్లు వెల్లడించారు.
ధాన్యం కొనుగోలు ప్రక్రియ మార్చి 31 వరకు కొనసాగనుంది. అయితే, మార్చి తర్వాత కూడా ధాన్యం కొనుగోలు చేయడంపై ప్రభుత్వం సమీక్ష చేపట్టనుంది. రైతులు ఎలాంటి సమస్యలు ఎదుర్కొనకుండా, వారికి న్యాయమైన ధర లభించేలా అన్ని ఏర్పాట్లు చేస్తామని హామీ ఇచ్చింది. ఇకపోతే, రైతుల పేరుతో వ్యాపారులు ధాన్యం విక్రయించే ప్రయత్నం చేస్తే కఠిన చర్యలు తీసుకుంటామని ప్రభుత్వం హెచ్చరించింది. రైతులకు మాత్రమే ప్రభుత్వ సేకరణ కేంద్రాల ద్వారా మద్దతు ధర లభించాలనే ఉద్దేశంతో కట్టుదిట్టమైన నియంత్రణలు అమలు చేయనున్నట్లు తెలిపింది.రైతులు ధాన్యం విక్రయించేందుకు ఎలాంటి అవాంతరాలు లేకుండా చర్యలు తీసుకోవాలని, గిడ్డంగుల్లో నిల్వ సమస్యలు తలెత్తకుండా ముందస్తు ప్రణాళికలు అమలు చేయాలని అధికారులను ప్రభుత్వం ఆదేశించింది. ఈ చర్యలతో రైతులకు ఆర్థిక భరోసా కలుగుతుందని, వ్యవసాయ రంగం మరింత బలోపేతమవుతుందని నిపుణులు భావిస్తున్నారు.
· భారతదేశంలోని 82% వ్యాపార నాయకులు కొత్త విధులు , నైపుణ్యాలు మరియు సాంకేతికతలకు డిమాండ్ పెరుగుతున్నందున పనిలో మార్పుల వేగం గణనీయంగా పెరుగుతోందని చెప్పారు. · Read more
శ్రీహరికోట : భారత అంతరిక్ష పరిశోధన సంస్థ ఇస్రో (ISRO) చేపట్టిన స్పేడెక్స్ ప్రయోగం విజయవంతమైంది. శ్రీహరికోటలోని సతీశ్ ధవన్ స్పేస్ సెంటర్ నుంచి పీఎస్ఎల్వీ సీ Read more
ఏపీలో గత ఎన్నికలకు ముందు జరిగిన గన్నవరం టీడీపీ ఆఫీసుపై దాడి కేసులో వైసీపీ నేత, మాజీ ఎమ్మెల్యే వల్లభనేని వంశీ సహా 88 మందికి భారీ Read more
Earthquake : ప్రపంచ వ్యాప్తంగా పలు దేశాల్లో భూకంపాలు భయాందోళనకు గురిచేస్తున్నాయి. మయన్మార్, బ్యాంకాక్ లో భారీ భూకంపం రాగా.. ఇండియా,చైనా,వియత్నా,బంగ్లాదేశ్‌లో స్వల్ప భూ ప్రకంపనలు వచ్చిన Read more