India us trade deal : అమెరికా ప్రకటించిన తాజా వాణిజ్య ఒప్పందం భారత్కు భారీ ఆర్థిక లాభాలను తెచ్చిపెట్టేలా కనిపిస్తోంది. అమెరికా అధ్యక్షుడు Donald Trump తీసుకున్న ఈ నిర్ణయంతో ఆసియా మార్కెట్లో భారత్కు పోటీ దేశాలపై గట్టి ఆధిక్యం దక్కింది. ముఖ్యంగా చైనా, పాకిస్థాన్, బంగ్లాదేశ్లతో పోలిస్తే భారత ఉత్పత్తులకు తక్కువ సుంకాలు విధించడం ఎగుమతిదారులకు పెద్ద ఊరటగా మారింది.
కొత్త టారిఫ్ విధానం ప్రకారం చైనా ఉత్పత్తులపై అమెరికా సుమారు 37% వరకు సుంకాలు విధిస్తుండగా, భారత వస్తువులపై కేవలం 18% మాత్రమే ఉంది. దీని వల్ల అమెరికా మార్కెట్లో ‘మేడ్ ఇన్ ఇండియా’ ఉత్పత్తులు తక్కువ ధరకే అందుబాటులోకి వచ్చే అవకాశం ఉంది. ఫలితంగా అమెరికన్ కంపెనీలు చైనాను వదిలి భారత్ వైపు మళ్లే అవకాశాలు పెరుగుతున్నాయి.
Read Also: India US tariff: గుడ్ న్యూస్.. భారత్ పై టారిఫ్లు తగ్గించిన ట్రంప్
ఇదే సమయంలో పాకిస్థాన్కు 19%, బంగ్లాదేశ్కు 20%, వియత్నాంకు 20% సుంకాలు ఉండటం భారత్కు అదనపు ప్రయోజనంగా మారింది. ముఖ్యంగా (India us trade deal) టెక్స్టైల్, లెదర్, ఇంజనీరింగ్ వస్తువుల ఎగుమతుల్లో భారత్కు పెద్ద ఊతం లభించనుంది. ఇది దేశంలో లక్షలాది మందికి ఉపాధి అవకాశాలు సృష్టించడమే కాకుండా ‘మేక్ ఇన్ ఇండియా’ లక్ష్యాన్ని మరింత బలపరుస్తుంది.
ఇప్పటికే Apple Inc., Tesla Inc. వంటి గ్లోబల్ దిగ్గజాలు తమ సరఫరా గొలుసులను చైనా నుంచి భారత్కు మార్చే ప్రయత్నాలు వేగవంతం చేశాయి. నిపుణుల అంచనా ప్రకారం ఈ ఒప్పందంతో భారత ఎగుమతులు సంవత్సరానికి అదనంగా 20-30 బిలియన్ డాలర్ల మేర పెరిగే అవకాశం ఉంది.
Read hindi news : hindi.vaartha.com
Epaper : epapervaartha.com
Read Also:
