ఇటీవల అమెరికా అధ్యక్షుడు డొనాల్డ్ ట్రంప్, భారత ప్రధాని నరేంద్ర మోదీ మధ్య జరిగిన చారిత్రాత్మక చర్చల ఫలితంగా కొత్త వాణిజ్య ఒప్పందం (India-US Trade Deal) వెలుగులోకి వచ్చింది. ఈ ఒప్పందం ద్వారా భారతీయ ఎగుమతులపై గతంలో ఉన్న 50% టారిఫ్ భారం 18 శాతానికి తగ్గింది. అయితే అందరూ అనుకుంటున్నట్లుగా అన్ని రంగాలకు ఈ ఊరట లభించలేదు. ముఖ్యంగా స్టీల్, అల్యూమినియం వంటి కీలక రంగాల పరిస్థితి ఇప్పటికీ ఆందోళనకరంగానే ఉంది భారతదేశం నుండి అమెరికాకు వెళ్లే అనేక ఉత్పత్తులపై పన్నులు తగ్గుతాయని మనం ఆశించాం. నిజమే, స్మార్ట్ఫోన్లు, విమాన విడిభాగాలు, ఫార్మా ఉత్పత్తులకు అమెరికా గ్రీన్ సిగ్నల్ ఇచ్చింది. కానీ, భారత పారిశ్రామిక రంగానికి వెన్నెముకగా నిలిచే స్టీల్ (Steel) , అల్యూమినియం (Aluminium) రంగాలకు మాత్రం ఆశించిన స్థాయిలో ఊరట లభించలేదు.
Read Also: Gaza: తెరుచుకున్న రఫా బార్డర్
వాణిజ్య ఒప్పందాల ద్వారా తొలగించడం అంత సులభం కాదు
నిజానికి ఈ ఉత్పత్తులపై అమెరికా విధించిన ‘సెక్షన్ 232’ డ్యూటీలు ఒక ప్రత్యేక చట్టం కిందకు వస్తాయి. వీటిని జాతీయ భద్రత దృష్ట్యా విధిస్తారు. కాబట్టి సాధారణ వాణిజ్య ఒప్పందాల ద్వారా వీటిని తొలగించడం అమెరికాకు అంత సులభం కాదు. దీనివల్ల మన ఎగుమతిదారులు ఇప్పటికీ 25% నుండి 50% వరకు భారీ టారిఫ్లను ఎదుర్కోవాల్సి రావచ్చు. ఆటో విడిభాగాల పరిస్థితి ఏమిటి? కేవలం స్టీల్ మాత్రమే కాదు, మన దేశం నుండి ఎగుమతి అయ్యే కొన్ని రకాల ఆటోమొబైల్ విడిభాగాలపై కూడా 25% టారిఫ్ కొనసాగే అవకాశం ఉందని నిపుణులు చెబుతున్నారు. ఇది మన ఆటో ఎక్స్పోర్టర్లకు కొంత ఇబ్బందికరమైన విషయమే. ఎందుకంటే అంతర్జాతీయ మార్కెట్లో పోటీ పెరిగిన ఈ సమయంలో ఇంత భారీ పన్నులు చెల్లించి వ్యాపారం చేయడం లాభదాయకం కాదు. మరి వేటిపై పన్నులు తగ్గాయి? ఈ ఒప్పందం వల్ల కొన్ని రంగాలకు మాత్రం మంచి మేలు జరిగింది. సీఫుడ్ రొయ్యలు, చేపల ఎగుమతులపై పన్ను 25% నుండి 18 శాతానికి తగ్గడంతో మన మత్స్యకారులకు, ఎగుమతిదారులకు భారీ లాభం కలగనుంది.
Read hindi news : hindi.vaartha.com
Epaper : epapervaartha.com
Read Also:
