పశ్చిమాఫ్రికా దేశమైన నైజీరియా(Nigeria)లో ఘోర రోడ్డు ప్రమాదం సంభవించింది. ప్రయాణికులతో వెళ్తున్న ఓ ట్రక్కు అదుపుతప్పి బోల్తా పడిన ఘటనలో దాదాపు 30 మంది తమ ప్రాణాలను కోల్పోయారు. ఈ ప్రమాదంలో మరో పలువురు తీవ్రంగా గాయపడ్డారు. ఉత్తర నైజీరియాలోని కానో రాష్ట్రంలో సోమవారం తెల్లవారుజామున ఈ తీవ్ర విషాదం చోటుచేసుకుంది. అతి వేగమే ప్రమాదానికి కారణం అధికారుల వెల్లడించిన సమాచారం ప్రకారం.. కానో రాష్ట్రంలోని ‘గెజావా’ స్థానిక ప్రభుత్వ పరిధిలోని క్వానర్ బార్డే పట్టణం సమీపంలో ఈ ప్రమాదం జరిగింది. సరుకులు, ప్రయాణికులతో నిండిన ట్రక్కు కానో నగరం నుంచి గుజుంగు పట్టణానికి అతివేగంగా వెళ్తుండగా.. డ్రైవర్ నియంత్రణ కోల్పోయాడు. దీంతో వాహనం రహదారిపై పల్టీలు కొట్టింది. డ్రైవర్ నిర్లక్ష్యం, మితిమీరిన వేగమే ఈ మారణహోమానికి కారణమని ప్రాథమికంగా నిర్ధారించారు.
Read Also: Chandrababu Naidu: హెరిటేజ్ పెరుగులో నాణ్యత లోపాలు గుర్తింపు
పలువురి పరిస్థితి అత్యంత విషమంగా ..
ఆస్పత్రిలో మృత్యువుతో పోరాడుతున్న క్షతగాత్రులు కానో రాష్ట్ర గవర్నర్ కార్యాలయ ప్రతినిధి సునుసి బటురే దావాకిన్ టోఫా ఈ ప్రమాదాన్ని ధ్రువీకరించారు. మృతుల సంఖ్య 30 దాటిందని, గాయపడిన వారిలో పలువురి పరిస్థితి అత్యంత విషమంగా ఉందని ఆయన తెలిపారు. క్షతగాత్రులను వెంటనే కానోలోని వివిధ ఆస్పత్రులకు తరలించారు. గవర్నర్ అబ్బా కబీర్ యూసుఫ్ ఈ ఘటనపై తీవ్ర దిగ్భ్రాంతి వ్యక్తం చేస్తూ.. బాధితులకు మెరుగైన వైద్యం అందించాలని అధికారులను ఆదేశించారు. నైజీరియాలో నిత్యం రోడ్డు మరణాలు ఆఫ్రికాలోనే అత్యధిక జనాభా కలిగిన నైజీరియాలో రోడ్డు ప్రమాదాలు సర్వసాధారణంగా మారాయి. రోడ్ల నిర్వహణ సరిగ్గా లేకపోవడం, సరుకు రవాణా చేసే ట్రక్కుల్లో అనధికారికంగా ప్రయాణికులను ఎక్కించుకోవడం, ట్రాఫిక్ చట్టాలను కఠినంగా అమలు చేయకపోవడం, కాలం చెల్లిన వాహనాలను రోడ్లపై నడపడం వంటివి ప్రధాన కారణాలు అని తెలుస్తోంది.
Read hindi news: hindi.vaartha.com
Epaper: epaper.vaartha.com
Read Also:
