భారత స్టార్ జోడీ సాత్విక్సాయిరాజ్, చిరాగ్శెట్టి సింగపూర్ ఓపెన్ బ్యాడ్మింటన్ టోర్నమెంట్లో క్వార్టర్ ఫైనల్లోకి దూసుకెళ్లింది. గురువారం జరిగిన పురుషుల డబుల్స్ ప్రిక్వార్టర్స్ పోరులో సాత్విక్, చిరాగ్ ద్వయం 19-21, 21-16, 21-19తో ఏడోసీడ్ సాబర్ కర్యమన్, రెజా పాహ్లెవి(ఇండోనేషియా)పై అద్భుత విజయం సాధించింది. గంటా 14 నిమిషాల పాటు సాగిన పోరులో తొలి గేమ్ను చేజార్చుకున్న సాత్విక్, చిరాగ్ పుంజుకుని పోటీలోకి వచ్చారు.మ్యాచ్పై పట్టుదల వీరి నైతిక బలంగా నిలిచింది. రెండో గేమ్ ప్రారంభం నుంచే దూకుడుగా ఆడి, ప్రత్యర్థులపై ఒత్తిడిని పెంచుతూ 21-16తో గేమ్లో విజయం సాధించారు.
సమయం
ఫైనల్ గేమ్ మరింత ఉత్కంఠభరితంగా సాగింది. రెండు జట్లూ ఒకదానికొకటి సమానంగా ప్రతిఘటించాయి.19-19 స్కోరు సమంగా ఉన్న సమయంలో సాత్విక్, చిరాగ్ జోడీ శ్రద్ధా, సంయమనం ప్రదర్శించి కీలక రెండు పాయింట్లు సాధించి 21-19తో గేమ్తో పాటు మ్యాచ్ను కూడా గెలుచుకున్నారు. ఈ విజయంతో వారు క్వార్టర్ ఫైనల్లోకి ప్రవేశించారు.
పోరాటం
కళ్ళు చెదిరే స్మాష్లకు తోడు నెట్గేమ్తో ప్రత్యర్థిపై ఆధిపత్యం చెలాయించిన మన జోడీ వరుస గేముల్లో మ్యాచ్ను కైవసం చేసుకుంది. మరో సింగిల్స్లో ప్రణయ్ 16-21, 14-21తో పొపోవ్(ఫ్రాన్స్) చేతిలో ఓడాడు.మహిళల సింగిల్స్(Women’s singles) రెండో రౌండ్లో పీవీ సింధు 9-21, 21-18, 16-21తో చెన్ యుఫీ(చైనా) చేతిలో ఓడి నిష్క్రమించింది. మహిళల డబుల్స్లో త్రిసా జాలీ, గాయత్రి గోపీచంద్ ద్వయంతో పాటు మిక్స్డ్ డబుల్స్లో రోహన్కపూర్, రుత్వికా శివానీ జంట పోరాటం ముగిసింది.
Read Also: Shane Watson: ఈసారి ఆర్సీబీ టైటిల్ గెలుస్తుందన్న షేన్ వాట్సన్
