ఐక్యరాజ్యసమితి (ఐరాస) వేదికగా పాకిస్థాన్(Pakistan)ను ఉగ్రవాద దేశంగా ప్రకటించాలని రాజ్యసభ సభ్యుడు కపిల్ సిబల్(Kapil Sibal) శనివారం డిమాండ్ చేశారు. పాకిస్థాన్ ఉగ్రవాదానికి ఒక కర్మాగారంగా మారిందని ఆయన తీవ్రంగా విమర్శించారు. ఢిల్లీ(Delhi)లో ఏర్పాటు చేసిన విలేకరుల సమావేశంలో సిబల్ మాట్లాడుతూ, చట్టవ్యతిరేక కార్యకలాపాల నిరోధక చట్టం (యూఏపీఏ)లో సవరణలు చేయాల్సిన అవసరం ఉందని కూడా సూచించారు.
పాకిస్థాన్ ఉగ్రవాద కార్యకలాపాల కేంద్రంగా వుంది
ముఖ్యంగా మన విదేశాంగ విధానం పాకిస్థాన్ ఉగ్రవాద కార్యకలాపాల కేంద్రంగా ఉందన్న వాస్తవంపై దృష్టి సారించాలని సిబల్ అన్నారు. “నేను గతంలో కూడా చెప్పాను. ఐరాసలో మనం ఒక సవరణ తీసుకురావాలి. ఆ షెడ్యూల్లో పాకిస్థాన్ను ఉగ్రవాద దేశంగా చేర్చాలి” అని ఆయన స్పష్టం చేశారు. ఇలా చేయడం వల్ల, ప్రపంచ వేదికపై పాకిస్థాన్తో వాణిజ్యం చేసే దేశాలను ప్రశ్నించవచ్చని, ఉగ్రవాదాన్ని అరికట్టమని వారిపై ఒత్తిడి తేవచ్చని సిబల్ అభిప్రాయపడ్డారు. ఇది ప్రపంచానికి, మన ప్రగతికి మంచిదని, పాకిస్థాన్ ప్రజలతో సహా ఇతరులకు ధైర్యాన్నిస్తుందని, కశ్మీర్ ప్రజలకు కూడా మేలు చేస్తుందని, సామాన్య పౌరులు బాధితులు కారని ఆయన వివరించారు.
మన్మోహన్ సింగ్ హయాంలో తగ్గుముఖం పట్టాయి
గతంలో మన్మోహన్ సింగ్ ప్రధానమంత్రిగా ఉన్న సమయంలో జమ్ముకశ్మీర్లో ఉగ్రవాద దాడులు క్రమంగా తగ్గుముఖం పట్టాయని సిబల్ అన్నారు. “26/11 దాడుల తర్వాత, అప్పటి ప్రధాని మన్మోహన్ సింగ్ వివిధ దేశాలకు ప్రతినిధి బృందాలను పంపాలని నిర్ణయించారు. పాకిస్థాన్ ఒక ఉగ్రవాద దేశమని, అక్కడ ఉగ్రవాదులు పుట్టుకొస్తున్నారని ప్రపంచానికి చూపించారు. పాకిస్థాన్ ఉగ్రవాదాన్ని ఉత్పత్తి చేసే కర్మాగారమనే వాతావరణం ప్రపంచంలో ఏర్పడింది. మన్మోహన్ సింగ్ హయాంలో జమ్ముకశ్మీర్లో ఉగ్రవాద దాడులు తగ్గుతూ వచ్చాయి. 2014 తర్వాత సంవత్సరాలతో పోలిస్తే 2014లో జమ్ముకశ్మీర్లో ఉగ్రదాడులు తక్కువగా ఉన్నాయి” అని సిబల్ పేర్కొన్నారు.
Read Also: Ukraine: టర్కీ చర్చలు – రాజకీయ రంగస్థలంగా మారిన ఇస్తాంబుల్
