Donald Trump: నోబెల్ శాంతి బహుమతికి తాను అర్హుడనని, తాను ఎనిమిది యుద్ధాలను ఆపినట్లు, ఆ అవార్డు తనకు రావాల్సిందేనని ట్రంప్ పదేపదే చెప్పుకొస్తున్నారు. అమెరికా మాజీ అధ్యక్షుడు బారక్ ఒబామా ఏం చేశారని, ఆయనకు నోబెల్ శాంతి బహుమతిని ఇచ్చారని, తాను ఎంతో చేశానని ట్రంప్ ఒబామా (obama) పై తన అక్కసును వెళ్లకక్కారు. తాజాగా ట్రంప్కు ఈ బహుమతి ఇచ్చేందుకు నామినేట్ చేసే దేశాల జాబితాలో జపాన్ కూడా చేరనుంది. ప్రస్తుతం ఆసియా పర్యటనలో ఉన్న ట్రంప్ కు మద్దతు తెలుపుతున్నట్లు జపాన్ ప్రభుత్వం స్పష్టం చేసింది. ఈ మేరకు వైట్ హౌస్ ఒక ప్రకటన విడుదల చేసింది.
Read also: Amazon: అమెజాన్లో మరోసారి భారీ ఉద్యోగాల కోత
Donald Trump: ట్రంప్ కు నోబెల్ శాంతి బహుమతిపై జపాన్ మద్దతు!
జపాన్ ప్రధానితో ట్రంప్ భేటీ
సోమవారం జపాన్ పర్యటనకు వచ్చిన డొనాల్డ్ ట్రంప్, (Donald Trump) ఆ దేశ నూతన ప్రధాని సనే టకైచీతో సమావేశమయ్యారు. టోక్యోలోని అకసకా ప్యాలెస్లో జరిగిన ఈ భేటీ సందర్భంగా, నోబెల్ శాంతి బహుమతికి ట్రంప్ (Trump) నామినేషన్ కు తాము మద్దతిస్తామని టకైచీ స్పష్టం చేసినట్లు వైట్ హౌస్ పేర్కొంది. అయితే, దీనిపై జపాన్ ప్రభుత్వం నుంచి అధికారిక ప్రకటన వెలువడాల్సి ఉంది. అంతర్జాతీయ శాంతిస్థాపన కోసం ట్రంప్ చేస్తున్న కృషిని టకైచీ కొనియాడారు. థాయ్లాండ్-కంబోడియా మధ్య శాంతి ఒప్పందం, గాజాలో కాల్పుల విరమణ ఒప్పందం కుదుర్చడంలో ట్రంప్ కీలకపాత్ర పోషించారని ఆమె ప్రశంసించారు.
రెండు దేశాల మధ్య ఖనిజాలు, రేర్ ఎర్త్ మూలకాలపై ఒప్పందాలు జరిగింది. చైనా, దక్షిణ కొరి ఆసియా పర్యటనలో భాగంగా ట్రంప్ మొదట మలేషియాలో పర్యటించి ఆసియాన్ సదస్సులో పాల్గొన్నారు. అనంతరం జపాన్ కు చేరుకున్నారు ట్రంప్. రేపు అనగా బుధవారం దక్షిణ కొరియాకు వెళ్లనున్నారు. వాణిజ్య ఉద్రిక్తల నేపథ్యంలో చైనా అధ్యక్షుడు జిన్ పింగ్ తో కూడా ట్రంప్ ద్వైపాక్షిక సమావేశం నిర్వహించనున్నారు. పలు దేశాలు ట్రంపు నోబెల్ శాంతి బహుమతి ఇవ్వాలని మద్దతు పలికాయి. ఇందులో పాకిస్తాన్ కూడా ఉంది.
Read hindi news : hindi.vaartha.com
Epaper : epapervaartha.com
Read Also:
