ప్రపంచంలోని ధనవంతుల్లో ఒకరిగా ఉన్న ఎలాన్ మస్క్(Elon Musk), అమెరికా రాజకీయాల్లో కొత్త దారిని చూపేందుకు సిద్ధమయ్యారు. టెస్లా అధినేతగా పేరు తెచ్చుకున్న ఆయన, ఇప్పుడు ‘అమెరికా పార్టీ’ అనే పేరుతో(Under the name ‘America Party’) కొత్త రాజకీయ పార్టీని ప్రకటించారు.ఈ కొత్త పార్టీ వేదికగా మస్క్, అమెరికన్లకు తిరిగి స్వేచ్ఛ ఇవ్వాలనే సంకల్పంతో ముందుకెళ్తున్నట్లు ప్రకటించారు. ‘ఎక్స్’లో నిర్వహించిన ఓ సర్వేలో, ఎక్కువ మంది కొత్త పార్టీని కోరుతున్నట్లు స్పందించారని వెల్లడించారు. “మూడు మందిలో ఇద్దరు మార్పు కోరుతున్నారు. మీరు అడిగారు, మేము తీసుకొస్తున్నాం,” అంటూ ట్వీట్ చేశారు.
2026 ఎన్నికలపై మస్క్ పార్టీ ఫోకస్
తమ పార్టీ 2026లో జరగనున్న మధ్యంతర ఎన్నికలపై దృష్టి పెట్టిందని మస్క్ స్పష్టం చేశారు. 2–3 సెనేట్ స్థానాలు, 8–10 ప్రతినిధుల సభ స్థానాల్లో పోటీ చేయాలన్నది లక్ష్యం. ఈ పోటీ ద్వారా అమెరికా రాజకీయాల్లో కీలక పాత్ర పోషించాలని ముసావా ఉద్దేశిస్తున్నారు.అధ్యక్షుడు ట్రంప్ ప్రవేశపెట్టిన ‘బిగ్ బిల్’పై మస్క్ తీవ్ర వ్యతిరేకత వ్యక్తం చేశారు. అది విచ్చలవిడిగా ఖర్చులు పెంచే చట్టమని, అమెరికాలో నిజంగా ఒకే పార్టీ ఉంది – అది ‘పోర్కీ పిగ్ పార్టీ’ అంటూ ఘాటుగా విమర్శించారు. గతంలో ట్రంప్కు సన్నిహితుడిగా ఉన్న మస్క్, ఇప్పుడు ఆయనతో పూర్తిగా దూరమయ్యారు.
అధికారిక నమోదు లేదు, కానీ హడావుడి మొదలైంది
ఇంకా ‘అమెరికా పార్టీ’ ఫెడరల్ ఎలెక్షన్ కమిషన్ వద్ద అధికారికంగా నమోదుకాలేదు. కానీ మస్క్ రాజకీయ వేదిక సృష్టించాలన్న సంకల్పం స్పష్టంగా కనిపిస్తోంది. అమెరికాలో కొత్త పార్టీకి ఎదగడం సులువు కాదు. రాష్ట్రాలు విధించే కఠిన నిబంధనలు, సంతకాల సేకరణ, భారీ ఖర్చులు — ఇవన్నీ పెద్ద అడ్డంకులే.అమెరికాలో రెండు పార్టీల ఆధిపత్యం నిశ్చలంగా ఉంది. ‘డువర్జర్ సిద్ధాంతం’ ప్రకారం మూడో పార్టీలు ఓట్లు చీల్చటానికే పరిమితమవుతాయి. అయినా మస్క్ ప్రస్థానం ఎటు దారి తీస్తుందో చూడాలి. సంపదతోపాటు దృఢ సంకల్పం ఉన్న ఆయన నిజంగానే రాజకీయాల్లో సుదీర్ఘ ప్రయాణం చేయగలరా అనే అంశం ఉత్కంఠ కలిగిస్తోంది.
Read Also : India : ఆదాయ సమానత్వంలో ప్రపంచంలో 4వ స్థానంలో నిలిచిన భారత్
