Mojtaba Khamenei Health Update: ఇరాన్ కొత్త సుప్రీం లీడర్ మొజ్తబా ఖమేనీ ఆరోగ్య పరిస్థితిపై అంతర్జాతీయంగా తీవ్ర ఉత్కంఠ నెలకొంది. ఆయన ప్రాణాలతో ఉన్నప్పటికీ, తీవ్ర గాయాల కారణంగా కదలలేని (ఇమ్మొబైల్) స్థితిలో ఉన్నారని భారత ఇంటెలిజెన్స్ వర్గాలను ఉటంకిస్తూ జాతీయ మీడియాలో కథనాలు వెలువడ్డాయి. ప్రస్తుతం ఇరాన్ పాలన మొత్తం ఇస్లామిక్ రెవల్యూషనరీ గార్డ్ కార్ప్స్ (IRGC) కనుసన్నల్లోనే జరుగుతోందని ఈ నివేదికలు స్పష్టం చేస్తున్నాయి.
Read Also: Indian LPG Ships : ఇరాన్ టెన్షన్ మధ్య భారత్కు LPG నౌకలు చేరువ
దాడుల్లో తీవ్ర గాయాలు.. ఐఆర్జీసీ నియంత్రణలో సందేశాలు
ఫిబ్రవరి 28న ఇరాన్పై అమెరికా-ఇజ్రాయెల్ జరిపిన సంయుక్త దాడుల్లో అప్పటి సుప్రీం లీడర్ అయతుల్లా అలీ ఖమేనీ మరణించిన సంగతి తెలిసిందే. అదే సమయంలో ఆయన కుమారుడు మొజ్తబా ఖమేనీ కూడా తీవ్రంగా గాయపడ్డారని సమాచారం. ప్రస్తుతం ఆయన కదలలేని స్థితిలో ఉన్నారని, అందుకే దేశంలో అస్థిరత కలగకుండా ఐఆర్జీసీ అంతా తానే అయి వ్యవహరిస్తోందని భారత నిఘా వర్గాలు విశ్లేషిస్తున్నాయి. మొజ్తబా పేరుతో వస్తున్న సోషల్ మీడియా పోస్టులు, ప్రకటనలన్నీ ఐఆర్జీసీ కట్టుదిట్టమైన పర్యవేక్షణలో రూపొందుతున్నట్లు తెలుస్తోంది.
Mojtaba Khamenei Health Update: ట్రంప్ వ్యాఖ్యలు.. ప్రమాణ స్వీకారానికి గైర్హాజరు
మొజ్తబా ఆరోగ్యంపై వస్తున్న వార్తలకు అమెరికా అధ్యక్షుడు డొనాల్డ్ ట్రంప్ వ్యాఖ్యలు మరింత బలాన్నిస్తున్నాయి. ఖమేనీ బ్రతికే ఉన్నారని, కానీ దాడుల్లో ఆయన రూపురేఖలు మారిపోయి ఉండొచ్చని ట్రంప్ ఇటీవల వ్యాఖ్యానించారు. దీనికి తోడు, సుప్రీం లీడర్గా తన సొంత ప్రమాణ స్వీకార కార్యక్రమానికి కూడా మొజ్తబా హాజరు కాలేదు. వేదికపై కేవలం ఆయన ఫోటోను మాత్రమే ఉంచడం ఆయన ఆరోగ్య పరిస్థితి అత్యంత విషమంగా ఉందనే అనుమానాలకు ఆజ్యం పోసింది.
ఇరాన్ ఖండన.. పశ్చిమాసియాలో ఉత్కంఠ
ఈ కథనాలను ఇరాన్ విదేశాంగ మంత్రి అబ్బాస్ అరాఘ్చీ తీవ్రంగా తోసిపుచ్చారు. మొజ్తబా పూర్తి ఆరోగ్యంగా ఉన్నారని, ఇవన్నీ అమెరికా పన్నాగాలని ఆయన కొట్టిపారేశారు. అయినప్పటికీ, క్షేత్రస్థాయి పరిస్థితులు మాత్రం ఇరాన్లో నాయకత్వ సంక్షోభం నెలకొందని సూచిస్తున్నాయి. ప్రస్తుతం ఐఆర్జీసీయే పాలనా వ్యవహారాలను పరోక్షంగా నడుపుతున్నట్లు అంతర్జాతీయ రాజకీయ విశ్లేషకులు భావిస్తున్నారు. ఈ పరిణామం పశ్చిమాసియాలో మరిన్ని రాజకీయ మార్పులకు దారితీసే అవకాశం ఉంది.
hindi news: hindi.vaartha.com
Epaper: epaper.vaartha.com
Read Also:
