Trump iran war : ఇరాన్, ఇజ్రాయెల్-అమెరికా మధ్య జరుగుతున్న యుద్ధం ప్రస్తుతం ప్రపంచవ్యాప్తంగా ఉత్కంఠ రేపుతోంది. ఫిబ్రవరి 28న ప్రారంభమైన ఈ యుద్ధం రెండు వారాలు గడిచినా ఇంకా ముగియలేదు. అమెరికా ఆశించినంత విజయం దక్కలేదనే అభిప్రాయాలు వినిపిస్తున్నాయి. ఇరాన్ నాశనమైందని ట్రంప్ ప్రకటించినప్పటికీ క్షేత్రస్థాయిలో పరిస్థితి భిన్నంగా కనిపిస్తోంది.
ఈ యుద్ధంలో అమెరికా పూర్తి విజయం సాధించలేకపోవడానికి పలు కారణాలు ఉన్నాయని నిపుణులు చెబుతున్నారు.
హోర్ముజ్ జలసంధి మూసివేత
ప్రపంచంలో అత్యంత కీలకమైన చమురు రవాణా మార్గమైన హోర్ముజ్ జలసంధిని ఇరాన్ మూసివేయడం పెద్ద ప్రభావం చూపింది. ప్రపంచ చమురులో దాదాపు 20 శాతం ఇక్కడి నుంచే సరఫరా అవుతుంది. ఇది మూసివేయడంతో అంతర్జాతీయంగా చమురు ధరలు భారీగా పెరిగాయి.
వైమానిక దాడులపైనే ఆధారపడటం
అమెరికా, ఇజ్రాయెల్ ఎక్కువగా వైమానిక దాడులపైనే ఆధారపడుతున్నాయి. కానీ ఒక దేశాన్ని పూర్తిగా ఓడించాలంటే భూసేనలు కూడా రంగంలోకి దిగాలి. ఇరాక్, ఆఫ్ఘనిస్తాన్ యుద్ధాల అనుభవం కారణంగా అమెరికా సైన్యాన్ని నేరుగా ఇరాన్లోకి పంపడంపై వెనుకంజ వేస్తోంది.
సుదీర్ఘ యుద్ధానికి ఇరాన్ సిద్ధం
ఇరాన్ త్వరగా లొంగిపోతుందని అమెరికా భావించింది. కానీ అలీ ఖమేనీ నిర్మించిన వ్యవస్థ బలంగా ఉండటంతో ఇరాన్ సైన్యం, గెరిల్లా నెట్వర్క్ దీర్ఘకాల యుద్ధానికైనా సిద్ధంగా ఉన్నట్లు కనిపిస్తోంది.
ఇరాన్ ఎదురుదాడులు
తక్కువ ఖర్చుతో కూడిన డ్రోన్లు, బాలిస్టిక్ క్షిపణులతో ఇరాన్ అమెరికా నౌకలు, చమురు ట్యాంకర్లను లక్ష్యంగా చేసుకుని దాడులు చేస్తోంది. ఇది గల్ఫ్ ప్రాంతంలో అమెరికా నౌకాదళానికి సవాలుగా మారింది.
ట్రంప్పై దేశీయ విమర్శలు
అమెరికాను కొత్త యుద్ధాలకు దూరంగా ఉంచుతానని ట్రంప్ ఎన్నికల సమయంలో హామీ ఇచ్చారు. కానీ ఇప్పుడు యుద్ధం కొనసాగడంతో ఆయనపై దేశంలోనే విమర్శలు మొదలయ్యాయి.
Read Also: Crude Oil Tanker: హర్మూజ్ జలసంధి నుంచి క్రూడ్ ఆయిల్తో భారత్ చేరిన నౌక
ఆశలు అడియాశలు
అలీ ఖమేనీ మరణం తర్వాత ఇరాన్లో రాజకీయ అస్థిరత ఏర్పడుతుందని అమెరికా భావించింది. కానీ వెంటనే మొజ్తబా ఖమేనీ బాధ్యతలు చేపట్టడంతో వ్యవస్థలో పెద్ద మార్పు కనిపించలేదు.
భిన్నమైన వ్యూహాలు
అమెరికా, ఇజ్రాయెల్ కలిసి పోరాడుతున్నా వారి లక్ష్యాలు వేర్వేరు. ఇజ్రాయెల్ ఇరాన్ సైనిక శక్తిని పూర్తిగా తుడిచిపెట్టాలని కోరుకుంటే, అమెరికా త్వరగా ఒప్పందంతో యుద్ధం ముగించాలని చూస్తోంది.
ఈ కారణాల వల్ల యుద్ధంలో స్పష్టమైన వ్యూహం లేకుండా పోయిందని విశ్లేషకులు భావిస్తున్నారు.
Read hindi news: hindi.vaartha.com
Epaper : epaper.vaartha.com
Read Also:
