పశ్చిమాసియా(West Asia)లో ఉద్రిక్తతలు అలాగే కొనసాగుతున్నాయి. ఇరాన్ మీద అమెరికా, ఇజ్రాయెల్ కలిసి చేసిన దాడులతో ప్రపంచ రాజకీయ, భౌగోళిక పరిస్థితులు ఉద్రిక్తకరంగా మారాయి. ఈ దాడులు ఇతర అంశాలపై తీవ్ర ప్రభావం చూపుతున్నాయి. ముఖ్యంగా చమురు ధరలపై ఈ ప్రభావం చాలా ఎక్కువగా ఉంది. గత రెండు రోజులను నుంచి క్రూడ్ ఆయిల్ ధరలు విపరీతంగా పెరిగాయి. చమురు సంక్షోభం నెలకొంది. 1970 నాటి చమురు సంక్షోభ పరిస్థితులు వచ్చే అవకాశం ఉందని నిపుణులు కూడా హెచ్చరిస్తున్నారు. అయితే కాస్త ఊరటనిస్తూ.. మంగళవారం ముడి చమురు ధరలు గణనీయంగా పడిపోయాయి. ఇది అమెరికా అధ్యక్షుడు డొనాల్డ్ ట్రంప్ మధ్యప్రాచ్యంలో యుద్ధం త్వరగా ముగియవచ్చని అంచనా వేయడంతో సంభవించింది. ఈ ప్రకటన తర్వాత.. గ్లోబల్ చమురు సరఫరాలకు సంబంధించి దీర్ఘకాలిక అంతరాయాలపై పెట్టుబడిదారుల ఆందోళన తగ్గింది. గత సెషన్లో, చమురు ధరలు మూడు సంవత్సరాలకు పైగా గరిష్ట స్థాయికి చేరిన తర్వాత ఈ భారీ పతనం జరిగింది.
Read Also: West Asia War: పెట్రోల్, డీజిల్ ధరలపై కేంద్రం కీలక ప్రకటన
ఇరాన్తో తీవ్రమవుతున్న US-ఇజ్రాయెల్ యుద్ధం..
బ్రెంట్ ఫ్యూచర్స్ GMT 0018 వద్ద బ్యారెల్కు 6.51 డాలర్లకు లేదా 6.6 శాతం పడిపోయి 92.45 డాలర్లకి చేరింది. US వెస్ట్ టెక్సాస్ ఇంటర్మీడియట్ (WTI) 6.12 డాలర్లు లేదా 6.5 శాతం తగ్గి 88.65 శాతానికి వచ్చింది. సోమవారం బ్రెంట్ ధర 119.50 డాలర్లు, WTI ధర 119.48 డాలర్లకి చేరి.. 2022 మధ్యకాలం తరువాత అత్యధిక స్థాయిలను తాకాయి. ఈ పెరుగుదలు ప్రధానంగా ఇరాన్తో తీవ్రమవుతున్న US-ఇజ్రాయెల్ యుద్ధం.. సౌదీ అరేబియా ఇతర ఉత్పత్తిదారుల ఉత్పత్తి కోతల వల్ల ప్రపంచ సరఫరాకు భయాలను రేకెత్తించడంతో జరిగింది.
రష్యా అధ్యక్షుడు వ్లాదిమిర్ పుతిన్.. ట్రంప్తో ఫోన్ చర్చలో ఇరాన్ యుద్ధానికి త్వరిత పరిష్కారం లక్ష్యంగా ప్రతిపాదనలు పంచుకున్నారని క్రెమ్లిన్ సహాయకులు తెలిపారు. దీని ఫలితంగా, దీర్ఘకాలిక సరఫరా అంతరాయం గురించి పెట్టుబడిదారుల ఆందోళనలు తగ్గాయి. సోమవారం ట్రంప్ CBS News కు ఇచ్చిన ఇంటర్వ్యూలో.. ఇరాన్పై యుద్ధం చాలా వరకు పూర్తయిందని, వాషింగ్టన్ తన మొదటి అంచనా వేసిన నాలుగు-ఐదు వారాల కాలపరిమితి కంటే ముందుగానే ముగియవచ్చని తెలిపారు.
Read hindi news: hindi.vaartha.com
Epaper: epaper.vaartha.com
Read Also:
