Gulf countries : మధ్యప్రాచ్యంలో ఉద్రిక్త పరిస్థితులు మరింత తీవ్రంగా మారుతున్నాయి. Iran–ఇజ్రాయెల్ ఉద్రిక్తతల నేపథ్యంలో గల్ఫ్ దేశాలపై దాడులు జరగడం ప్రపంచ ఆర్థిక వ్యవస్థపై ప్రభావం చూపుతోంది. ముఖ్యంగా చమురు సరఫరా అంతరాయం కలగడంతో అంతర్జాతీయ మార్కెట్లో ఆయిల్ ధరలు భారీగా పెరుగుతున్నాయి.
ఇజ్రాయెల్, అమెరికాకు మద్దతుగా గల్ఫ్ దేశాల్లో అమెరికా సైనిక స్థావరాలు ఉండటం ఇరాన్కు ఆగ్రహం తెప్పించిందని విశ్లేషకులు చెబుతున్నారు. అందుకే గల్ఫ్ దేశాల ఆర్థిక వ్యవస్థకు మూలాధారమైన ఆయిల్ రిఫైనరీలు, విమానాశ్రయాలను లక్ష్యంగా చేసుకుంటున్నట్లు భావిస్తున్నారు.
దుబాయ్, కువైట్, ఖతార్, బహ్రెయిన్ ప్రాంతాల్లో జరిగిన దాడుల కారణంగా విమాన రవాణా, వాణిజ్య కార్యకలాపాలకు అంతరాయం ఏర్పడింది. గల్ఫ్ దేశాలు ప్రపంచానికి పెద్ద మొత్తంలో చమురు సరఫరా చేసే ప్రాంతం కావడంతో ఈ పరిణామం అంతర్జాతీయ మార్కెట్లను కుదిపేస్తోంది.
చమురు సరఫరాపై భారీ ప్రభావం
ప్రపంచ చమురు సరఫరాలో కీలక పాత్ర పోషించే మార్గం హార్ముజ్ జలసంధి. ప్రపంచ ఆయిల్ సరఫరాలో సుమారు 25 శాతం ఈ సముద్ర మార్గం ద్వారానే రవాణా అవుతుంది. ఈ మార్గం మూసివేయబడితే ప్రపంచ చమురు మార్కెట్కు పెద్ద దెబ్బ తగులుతుందని నిపుణులు హెచ్చరిస్తున్నారు.
Read Also: Funky Movie: విశ్వక్ సేన్ ‘ఫంకీ’ ఓటీటీ రిలీజ్ ఫిక్స్?
భారత్పై ప్రభావం
భారత్ దాదాపు 85 శాతం ముడి చమురును దిగుమతులపై ఆధారపడుతోంది. ఈ నేపథ్యంలో ఆయిల్ ధరలు పెరిగితే దేశంలో ఇంధన ధరలు, రవాణా ఖర్చులు, నిత్యావసర వస్తువుల ధరలు పెరిగే అవకాశం ఉంది.
ప్రపంచ ఆర్థిక వ్యవస్థపై ప్రభావం
చమురు ధరలు పెరగడం వల్ల చైనా, దక్షిణ కొరియా, థాయిలాండ్ వంటి దిగుమతి ఆధారిత దేశాలు కూడా తీవ్రంగా ప్రభావితమయ్యే అవకాశం ఉంది. అలాగే సహజవాయువుపై ఆధారపడే యూరప్ దేశాల్లో గ్యాస్ ధరలు పెరిగి ద్రవ్యోల్బణం మరింత పెరిగే ప్రమాదం ఉందని విశ్లేషకులు హెచ్చరిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
