Iran Attack: పశ్చిమ ఆసియాలో యుద్ధ ఉద్రిక్తతలు పరాకాష్టకు చేరుకున్నాయి. ప్రపంచ చమురు రవాణాకు అత్యంత కీలకమైన హార్ముజ్ జలసంధిని (Strait of Hormuz) మూసివేస్తున్నట్లు ఇరాన్ అధికారికంగా ప్రకటించడంతో అంతర్జాతీయంగా ఆందోళనలు వ్యక్తమవుతున్నాయి. ఈ ప్రకటన వెలువడిన కొద్ది సేపటికే, ఆ మార్గంలో ప్రయాణిస్తున్న పలావు దేశ జెండాతో ఉన్న ‘స్కైలైట్’ అనే ఆయిల్ ట్యాంకర్పై ఇరాన్ బలగాలు మెరుపు దాడికి పాల్పడ్డాయి. ఈ ఘటన సముద్ర మార్గంలో ప్రయాణించే వాణిజ్య నౌకల భద్రతను ప్రశ్నార్థకం చేసింది.
Read Also:Khamenei Succession: ముగ్గురు సభ్యుల కౌన్సిల్ చేతికి ఇరాన్ పాలన!
ఒమన్ దేశంలోని ముసాందం ద్వీపకల్పం సమీపంలో ఈ దాడి జరిగింది. ఘటన జరిగిన సమయంలో ఆ నౌకలో మొత్తం 20 మంది సిబ్బంది ఉన్నారు. వీరిలో 15 మంది భారతీయులు, ఐదుగురు ఇరాన్ పౌరులు ఉన్నట్లు గుర్తించారు. ఇరాన్ జరిపిన ఈ దాడిలో నలుగురు భారతీయ సిబ్బంది గాయపడటం ఆందోళన కలిగిస్తోంది. యుద్ధం కారణంగా సాధారణ నౌకాయన సిబ్బంది బలికావడంపై అంతర్జాతీయ సమాజం తీవ్రంగా స్పందిస్తోంది.
దాడి సమాచారం అందుకున్న వెంటనే ఒమన్ మారిటైమ్ సెక్యూరిటీ సెంటర్ రంగంలోకి దిగింది. నౌకలోని సిబ్బందిని రక్షించి సురక్షిత ప్రాంతాలకు తరలించినట్లు అధికారులు ధృవీకరించారు. హార్ముజ్ జలసంధిని మూసివేయడం వల్ల ప్రపంచవ్యాప్తంగా చమురు సరఫరా నిలిచిపోయి, ధరలు ఆకాశాన్ని తాకే ప్రమాదం ఉందని ఆర్థిక నిపుణులు హెచ్చరిస్తున్నారు. ముఖ్యంగా చమురు దిగుమతులపై ఆధారపడే దేశాలకు ఇది కోలుకోలేని దెబ్బ కానుంది.
Read hindi news: hindi.vaartha.com
Epaper: epaper.vaartha.com
Read Also:
