గ్రీన్లాండ్కు రెండు ప్రమాదాలు ముంచుకొస్తున్నాయి. ఓవైపు ట్రంప్ ఆక్రమణ హెచ్చరికలు, మరోవైపు సముద్రగర్భంలో కలి సిబోతుందనే భయం. ప్రపంచంలోనే అతిపెద్ద ద్వీపమైన గ్రీన్ల్యాండ్(GreenLand)లో హిమానీనదాలు ఎన్నడూ లేని విధంగా వేగంగా కరుగుతున్నాయి. అయితే, ఈ ద్రవీభవన ప్రక్రియకు అమెరికా అధ్యక్షుడు ట్రంప్ ఈ ద్వీపాన్ని కొనుగోలు చేయాలనుకోవడం లేదా అక్కడ జరుగుతున్న రాజకీయ పరిణామాలకు ఎటువంటి సంబంధం లేదని శాస్త్రవేత్తలు స్పష్టం చేస్తున్నారు. ఇది పూర్తిగా పర్యావరణ మార్పులు, ప్రకృతిలో జరుగుతున్న కొన్ని అరుదైన ప్రక్రియల వల్లనే జరుగుతోందని తాజా పరిశోధనలు వెల్లడిస్తున్నాయి.
Union Budget 2026-27: రేపు బడ్జెట్ ను ప్రవేశపెట్టనున్న ఆర్థిక మంత్రి
నల్లగా మారుతున్న మంచు పొరలు
శాస్త్రవేత్తల ప్రకారం, గ్రీన్ల్యాండ్లో మంచు కరగడానికి కేవలం ఉష్ణోగ్రతల పెరుగుదల మాత్రమే కారణం కాదు. ఈ ప్రక్రియలో ఆల్బెడో ఎఫెక్ట్, సూక్ష్మజీవుల పాత్ర కీలకమని తేలింది. ధూళి, ఆల్గే: గాలి ద్వారా వచ్చే ఖనిజ ధూళి మంచుపై పేరుకుపోవడం వల్ల తెల్లగా ఉండాల్సిన మంచు పొరలు నల్లగా మారుతున్నాయి. ఈ నల్లటి రంగు సూర్యరశ్మిని ప్రతిబింబించే బదులు ఎక్కువగా గ్రహిస్తుంది. దీనివల్ల మంచు త్వరగా వేడెక్కి కరిగిపోతోంది. పాచి పెరుగుదల: ఈ ధూళిలో ఉండే ఫాస్పరస్ వంటి పోషకాలు మంచుపై ‘గ్లేసియర్ ఆల్గే’ పెరగడానికి దోహదపడుతున్నాయి. ఈ పాచి మంచు ఉపరితలాన్ని మరింత చీకటిగా మార్చి, ద్రవీభవన వేగాన్ని పెంచుతోంది.
అమెరికాలో గ్రీన్ల్యాండ్ విలీనం
ప్రస్తుత అమెరికా అధ్యక్షుడు డొనాల్డ్ ట్రంప్ గ్రీన్ల్యాండ్ను అమెరికాలో విలీనం చేసుకోవాలని గట్టి ప్రయత్నాలు చేస్తున్న సంగతి తెలిసిందే. అక్కడ ఉన్న అరుదైన ఖనిజాలు, వ్యూహాత్మక ప్రదేశంపై అమెరికా కన్నేసింది. ఈ క్రమంలో ట్రంప్ వల్ల గ్రీన్ల్యాండ్ వేడెక్కుతోందనే వ్యాఖ్యలు కేవలం రాజకీయ విమర్శలే తప్ప, శాస్త్రీయంగా మంచు కరగడానికి ఆయనకు ఎటువంటి సంబంధం లేదు. కానీ, మంచు వేగంగా కరగడంతో భవిష్యత్తులో సముద్ర మట్టాలు పెరిగి ముంబై, చెన్నై వంటి తీర ప్రాంత నగరాలకు ముప్పు పొంచి ఉందని నిపుణులు ఆందోళన వ్యక్తం చేస్తున్నారు.
Read hindi news : hindi.vaartha.com
Epaper : epapervaartha.com
Read Also:
