గ్లోబల్ స్టార్ రామ్ చరణ్ ప్రధాన పాత్రలో నటించిన గేమ్ చేంజర్ సినిమా జనవరి 10న ప్రేక్షకుల ముందుకు రానుంది. ఈ చిత్రం విడుదల తేదీ దగ్గరపడుతున్న సందర్భంగా ప్రమోషన్ కార్యక్రమాలు పీక్స్‌కు చేరాయి. ఇందులో భాగంగా డిసెంబర్ 29న దేశంలోనే అతి పెద్ద కటౌట్‌ను విజయవాడలో ఆవిష్కరించనున్నారు. బృందావన్ కాలనీలో వజ్రా గ్రౌండ్స్ ఈ విశేష కార్యక్రమానికి వేదిక కానుంది. డైరెక్టర్ శంకర్ తెరకెక్కించిన ఈ సినిమా ప్రారంభం నుంచి భారీ అంచనాలు క్రియేట్ చేస్తోంది. రామ్ చరణ్, కియారా అద్వానీ జంటగా నటించిన ఈ చిత్రానికి తమన్ అందించిన సంగీతం ఇప్పటికే శ్రోతల హృదయాలను గెలుచుకుంది. టీజర్ విడుదలైనప్పటినుంచే సినిమా మీద ఆసక్తి పెరిగింది. ఈ చిత్రం శంకర్ ట్రాక్ రికార్డు ప్రకారం మరో బిగ్గెస్ట్ హిట్‌గా నిలుస్తుందనే విశ్వాసం మేకర్స్ వ్యక్తం చేస్తున్నారు.
ప్రమోషన్లలో భాగంగా అమెరికాలోని డాలస్ నగరంలో డిసెంబర్ 21న ప్రీ రిలీజ్ ఈవెంట్‌ను ప్లాన్ చేశారు. భారతీయ చిత్రానికి అమెరికాలో ప్రీ రిలీజ్ ఈవెంట్ జరగడం ఇదే మొదటిసారి. ఈ వేడుకకు రామ్ చరణ్ ప్రత్యేకంగా హాజరుకాబోతున్నారు. అమెరికాలోని అభిమానులతో కలుసుకోవడం కోసం చరణ్ ఓ వీడియో సందేశం పంచుకున్నారు. ‘‘నమస్తే డాలస్! డిసెంబర్ 21న కర్టిస్ కల్వెల్ సెంటర్‌లో గేమ్ చేంజర్ ప్రీ రిలీజ్ ఈవెంట్ నిర్వహిస్తున్నాం. మీ అందరినీ కలుసుకోవడం కోసం ఎంతో ఉత్సాహంగా ఉన్నాను’’ అంటూ చరణ్ ఆ వీడియోలో చెప్పారు. ఈ ప్రకటనతో అభిమానుల్లో మరింత ఉత్సాహం నెలకొంది.
ఇక సినిమా విడుదల తేదీ దగ్గరపడుతున్న కొద్దీ, ప్రీ రిలీజ్ ఈవెంట్లు, కటౌట్ ఆవిష్కరణలు వంటి విశేష కార్యక్రమాలతో గేమ్ చేంజర్ టీమ్ ప్రేక్షకుల్లో భారీ అంచనాలు పెంచుతోంది. రామ్ చరణ్ మేనియా మరోసారి ప్రపంచవ్యాప్తంగా విస్తరించనుందనే నమ్మకంతో అభిమానులు ఈ సినిమాను ఎదురు చూస్తున్నారు.
హైదరాబాద్‌: బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ కేంద్ర మంత్రి బండి సంజయ్‌కు లీగల్ నోటీసులు అందించారు. ఇటీవల జరిగిన ప్రెస్ మీట్‌లో తాను నిరాధార Read more
న్యూఢిల్లీ: సామాన్యుడి నుంచి సంపన్నుడి వరకు ఎంతో ఆసక్తిగా, ఆశగా ఎదురుచూస్తున్న కేంద్ర బడ్జెట్ నేడు సభలోకి రానుంది. కేంద్ర ఆర్థిక మంత్రి నిర్మలా సీతారామన్ బడ్జెట్‌ను Read more
తెలంగాణ రాష్ట్రంలోని గురుకులాల పరిస్థితి, ముఖ్యంగా గిరిజన ఆశ్రమ పాఠశాలలలో ఎదురైన ఆరోగ్య సమస్యలు, తీవ్ర ఆందోళన కలిగించే అంశంగా మారాయి. పలువురు విద్యార్థులు ఫుడ్ పాయిజనింగ్ Read more
ముంబై-డిసెంబర్ 2024 : IMDb (www.imdb.com) సినిమాలు, టీవీ మరియు ప్రముఖుల సమాచారం కోసం ప్రపంచంలోని అత్యంత ప్రాచుర్యం పొందిన ఐఎండిబి నేడు 2024 టాప్ 10 Read more