ఉగ్రవాదంపై భారత్ చేస్తున్న పోరాటంలో ఎంఐఎం నేత అసదుద్దీన్ ఒవైసీ స్పష్టమైన అభిప్రాయాన్ని చెబుతున్నారు. హైదరాబాద్ ఎంపీగా, ముస్లిం సమాజంలో తనదైన స్థానం ఉన్న అసద్ ఈ విషయంలో మళ్లీ తన శైలిలో ధీటుగా స్పందించారు.ఇస్లాం మతంలో హింసకు చోటులేదని, ఉగ్రవాదాన్ని ప్రోత్సహించడమంటే మతాన్ని అపవిత్రం చేయడమేనని ఆయన పదేపదే చెబుతున్నారు.ఇటీవల పాకిస్థాన్ను ఉగ్రవాద దేశంగా అభివర్ణిస్తూ Asaduddin Owaisi గట్టిగా మాట్లాడారు. “ఈ దేశం నాశన మార్గంలో ఉంది. గత అర్ధశతాబ్ద కాలంగా వెనక్కి సాగుతోంది” అంటూ ఆయన వ్యాఖ్యానించారు. ఈ మాటలపై పాకిస్థాన్కు చెందిన కొందరు సోషల్ మీడియాలో ఒవైసీపై ట్రోలింగ్కు దిగారు.అయితే, దీనికి ఆయన సమాధానం బలంగా ఉండింది. మీడియా ప్రశ్నకు ఆయన స్పందిస్తూ, “పాకిస్థాన్లో ఉన్నవారికి నేను మాత్రమే కనిపిస్తున్నాను అనిపిస్తోంది. నా మాటలు వాళ్లను ఇంతగా కుదిపేస్తున్నాయంటే, అది నన్ను కాదు… వారి ఆత్మవిశ్వాసాన్ని ప్రశ్నిస్తుంది” అని ఎద్దేవా చేశారు.”నా స్పీచ్ వింటూ మీరు నేర్చుకోవచ్చు. మీ మెదడులో ఉన్న చెత్తను తొలగించండి.
అప్పుడు మీ అజ్ఞానం కూడా పోతుంది.అంతే కాదు, మీరు మంచి వ్యక్తులవుతారు.”ఈ వ్యాఖ్యలు సామాజిక మాధ్యమాల్లో బాగా చర్చకు దారితీశాయి. పాకిస్థాన్కు సూటిగా కౌంటర్ ఇచ్చిన ఒవైసీ అభినందనల వర్షాన్ని అందుకున్నారు.ఇటీవల కేంద్ర హోం శాఖ మంత్రి అమిత్ షా స్వయంగా ఒవైసీకి ఫోన్ చేసి అఖిలపక్ష సమావేశానికి ఆహ్వానించారు. ఇది రాజకీయంగా ఆసక్తికర పరిణామం. ఈ సమావేశం తర్వాత నుంచి ఒవైసీ దేశ భద్రతపై మరింత స్పష్టంగా మాట్లాడుతున్నారు.అంతే కాదు, పాకిస్థాన్పై విమర్శలు చేయడంలో కూడా వెనుకడుగు వేయడం లేదు. ప్రతి సందర్భంలో ఉగ్రవాదాన్ని ఖండిస్తూ పాకిస్థాన్ తీరును ప్రజల ఎదుట ఉంచుతున్నారు.”ఇస్లాం అంటే శాంతి. హింసకు అక్కడ చోటులేదు” అని ఒవైసీ స్పష్టం చేశారు. “ఉగ్రవాదాన్ని మతంతో కలపడం భయంకరమైన తప్పు. ఇది ముస్లింలను అప్రతిష్టకు గురిచేస్తుంది” అని వ్యాఖ్యానించారు.ఇలాంటి ధీటైన వ్యాఖ్యలు ఒవైసీకి ప్రత్యేక గుర్తింపు తీసుకొస్తున్నాయి. దేశ భద్రత, మత సామరస్యంపై స్పష్టమైన గళాన్ని వినిపిస్తూ, రాజకీయంగా కూడా ఒవైసీ తనదైన ముద్ర వేస్తున్నారు.
Read Also : Fire : హైదరాబాదులో మరో భారీ అగ్నిప్రమాదం
