హైదరాబాద్ : (HYD) ఉప్పల్ ప్రాంతానికి చెందిన నరేష్ ఆప్రాంతంలో పేరుమోసిన ఓ ప్రైవేట్ డయాగ్నోస్టిక్స్ సెంటర్ బ్రాంచిలో కాల్షియం టెస్ట్ చేయించుకుని ఆ రిపోర్టును సికింద్రాబాద్ లోని ఓ కార్పొరేటర్ ఆసుపత్రి కి తీసుకెళ్లాడు. అక్కడ ఆ రిపోర్టులో కాల్షియం ఎక్కువగా ఉందని డాక్టర్ (Doctor) చెప్పారు. అయినప్పటికి రిపోర్టుపై అనుమానం వచ్చి ఆదే ఆసుపత్రిలో టెస్ట్ చేయించగా రిపోర్టు నార్మల్గా వచ్చింది. దీంతో ఉప్పల్ డయాగ్నోస్టిక్స్ సెంటర్ లో చేయించిన రిపోర్టు తప్పుగా ఉందని డాక్టర్ నిర్ధారించారు. ఇది కేవలం ఒక నరేష్కి కాదు తరచూ నగరంలో వివిధ డయాగ్నోస్టిక్ సెంటర్లకు వెళ్తున్న రోగులకు జరగుతున్న సంఘటనలు ఒకేరకమైన టెస్టు వివిధ డయాగ్నోస్టిక్ సెంటర్లలో వేర్వేరు రిపోర్టులు రావడంతో పలువురు రోగులు ఆశ్చర్యం వ్యక్తం చేస్తున్నారు. తప్పుడు రిపోర్టుల వల్ల మందులు తిని లేనిరోగాలు తెచ్చుకోవాల్సి వస్తుందని ఆవేదన వ్యక్తంచేస్తున్నారు.
Read also: HYD: గోషామహల్లో భారీగా డబ్బు పట్టివేత
అడ్డగోలు రేట్లు
ప్రైవేట్ ల్యాబ్ల నిర్వాహకులు వాస్తవ ఫీజుకంటే రెండు మూడు రెట్లు ఎక్కువగా వసూలు చేస్తూ దోపిడీకి పాల్పడుతున్నారు. బాధితుల అవసరాన్ని భట్టి రేట్లు పెంచేస్తున్నారు. వాస్తవానికి ఏటెస్టుకు ఎంత వసూలు చేయాలనేది ఖచ్చితంగా బోర్డు ఏర్పాటు చేయాల్సి ఉంటుంది. కానీ చాలా ల్యాబ్లలో అలాంటి బోర్డులు కనిపించడం లేదు. (HYD) మరోవైపు ప్రైవేట్ ఆసుపత్రులకు వస్తున్న బాధితులను అక్కడి వైద్యులు ఖచ్చితంగా పలానా స్కానింగ్ సెంటర్కే వెళ్ళాలని రిఫర్ చేస్తున్నారు. మరికొన్ని ఆసుపత్రుల్లో తమకు కమిషన్లు వస్తాయని అంబులెన్స్ లో తీసుకెళ్ళి చేయించుకుని తీసుకువస్తున్నారు. దీంతో గర్భిణీలు, రోగులు ఆర్థికంగా సతమతమవుతున్నారు.
కనిపించని రేడియాలజిస్టులు
వాస్తవానికి ప్రతి ల్యాబ్, స్కానింగ్ సెంటర్లలో రేడియాలజిస్టు తప్పనిసరిగా ఉండాలి. రోగిని స్కానింగ్ తీసి సంబంధించిన రిపోర్టు అరేడియా లజిస్టు ద్వారానే అందజేయాలి. కానీ కొన్ని స్కానింగ్ సెంటర్లలో రేడియాలజీ డాక్టర్ పేరుతో ఒక క్యాబిన్, ఒక నేమ్బర్డు ఏర్పాటు చేసి ఉం చుతున్నారు. కానీ అక్కడ డాక్టర్ మాత్రం కనిపిం చడు. స్కానింగ్ సెంటర్ల నిర్వాహకులు ఆ రేడి యాలజిస్టు డాక్టర్ల పేర్లను, లెటర్ప్యాడ్లను వాడుకుంటూ వారికి కొంత సొమ్మును ముట్టచె ప్పుతున్నారు. ఇలా టెస్టులు మాత్రం అవగాహాన లేని సిబ్బందితో చేయిస్తూ రిపోర్టులు ఇచ్చి పం పుతున్నారు. ప్రైవేట్ ఆసుపత్రుల్లో సిటీస్కానింగ్ సెంటర్లలో నిలువుదోపిడీ జరుగుతున్నా వైద్య ఆరోగ్యశాఖ కన్నెత్తి చూడటం లేదు.
Read hindi news: hindi.vaartha.com
Read Also Epaper : epaper.vaartha.com
Read Also:
