British to India military : ప్రేమకు, అనుబంధాలకు సరిహద్దులు ఉండవన్న విషయాన్ని మరోసారి రుజువు చేసిన ఘటన ఇది. 130 సంవత్సరాల క్రితం హైదరాబాద్లో మరణించిన తన ముత్తాత సమాధిని వెతుక్కుంటూ ఇంగ్లండ్కు చెందిన రాబిన్ డిక్సన్ నగరానికి చేరుకున్నారు. దాదాపు 19 సంవత్సరాల పాటు సాగిన అన్వేషణ చివరకు ఫలించి, తన పూర్వీకుడి సమాధి వద్ద భావోద్వేగంతో నివాళులర్పించారు.
తన ఇంట్లో ఉన్న పాత దస్త్రాల ద్వారా, తన ముత్తాత చార్లెస్ విల్సన్ బ్రిటిష్ ఇండియాలో సేవలందిస్తూ మరణించినట్టు రాబిన్ తెలుసుకున్నారు. 1880లో బ్రిటిష్ సైన్యంలో చేరిన విల్సన్, బెంగళూరు మరియు మద్రాస్ ప్రాంతాల్లో పనిచేశారు. అనంతరం సికింద్రాబాద్ రెజిమెంట్లో లెఫ్టినెంట్గా విధులు నిర్వహిస్తున్న సమయంలో 1906 ఆగస్టు 4న అనారోగ్యంతో తిరుమలగిరి ఆసుపత్రిలో కన్నుమూశారు. అప్పటికి ఆయన వయస్సు 48 సంవత్సరాలు.
Read Also: Tamil Nadu: హీరోయిన్ త్రిషకు బీజేపీ నేత నాగేంద్రన్ క్షమాపణలు
తన ముత్తాత సమాధి ఎక్కడుందో తెలుసుకోవాలని సంకల్పించిన రాబిన్, దాదాపు రెండు దశాబ్దాల పాటు బెంగళూరు, చెన్నై, సికింద్రాబాద్ ప్రాంతాల్లో అన్వేషణ కొనసాగించారు. ఈ క్రమంలో స్థానిక జర్నలిస్ట్ రవిరెడ్డి సహాయంతో ఎనిమిది నెలల క్రితం సికింద్రాబాద్లోని తిరుమలగిరి సెమెట్రీ–12లో సమాధిని గుర్తించారు.
ఈ సమాచారం తెలిసిన వెంటనే రాబిన్ తన భార్య లిన్తో కలిసి ఇంగ్లండ్ నుంచి హైదరాబాద్కు వచ్చారు. ముత్తాత సమాధిపై తెల్ల గులాబీలు ఉంచి భావోద్వేగంతో నివాళులర్పించారు. “ఈ క్షణం కోసం ఎన్నేళ్లుగా ఎదురుచూశాను,” అని రాబిన్ కన్నీటి పర్యంతమయ్యారు. ఒక శతాబ్దానికి పైగా కొనసాగిన కుటుంబ అనుబంధానికి ఇది భావోద్వేగ ముగింపు అయింది.
Read hindi news: hindi.vaartha.com
Read Also Epaper : epaper.vaartha.com
Read Also:
