డిసెంబర్‌లోనే ఆత్మహత్య ఆలోచనలు ఎందుకు పెరుగుతాయి?

డిసెంబర్ నెలలో ఆత్మహత్య ఆలోచనలు ఎక్కువగా కనిపిస్తాయని అంతర్జాతీయ స్థాయి పరిశోధనలు తెలియజేశాయి. ఈ అధ్యయనాన్ని యూనివర్సిటీ ఆఫ్ ఆమ్‌స్టర్‌డ్యామ్, హార్వర్డ్ యూనివర్సిటీ మరియు యూనివర్సిటీ ఆఫ్ నాటింగ్ హమ్ నిర్వహించాయి. సంవత్సరాంత సమయం కావడం, ఒంటరితనం పెరగడం, ఆర్థిక ఒత్తిళ్లు అధికమవడం వంటి అంశాలు దీనికి కారణాలుగా గుర్తించారు. ముఖ్యంగా తెల్లవారుజామున నాలుగు నుంచి ఆరు గంటల మధ్య ఈ ఆలోచనలు ఎక్కువగా ఉత్పన్నమవుతున్నాయని పరిశోధకులు పేర్కొన్నారు. శారీరక, మానసిక మరియు సామాజిక పరిస్థితులు వ్యక్తి భావోద్వేగాలపై ప్రభావం చూపుతాయని వారు వివరించారు.

Why do suicidal thoughts increase in December

తెల్లవారుజామున సమయం ఎందుకు సున్నితంగా ఉంటుంది?

నిద్రలేమి, (Insomnia) అధిక ఆలోచనలు, ఒంటరితనం వంటి అంశాలు తెల్లవారుజామున మరింత తీవ్రంగా అనిపిస్తాయి. ఆ సమయంలో చుట్టుపక్కల నిశ్శబ్దం ఉండటం వల్ల మనసులోని ఆందోళనలు ఎక్కువగా గుర్తుకు వస్తాయి. మానసిక ఒత్తిడి, కుంగుబాటు భావాలు, ఆకలి తగ్గడం వంటి లక్షణాలు కనిపిస్తే వాటిని తేలికగా తీసుకోవద్దని నిపుణులు హెచ్చరిస్తున్నారు. ఇలాంటి లక్షణాలు నిర్లక్ష్యం చేస్తే పరిస్థితి మరింత దిగజారే ప్రమాదం ఉంటుంది. కుటుంబ సభ్యులు, స్నేహితులు భావోద్వేగ సహాయం అందించడం ఎంతో అవసరం.

ముందస్తు జాగ్రత్తలు మరియు సహాయం అవసరం

ఆత్మహత్య ఆలోచనలు కలిగినప్పుడు వెంటనే వైద్యులను లేదా మానసిక ఆరోగ్య నిపుణులను సంప్రదించడం అత్యంత ముఖ్యం. అవసరమైతే కౌన్సెలింగ్, చికిత్స ద్వారా పరిస్థితిని నియంత్రించవచ్చు. సమయానికి సహాయం అందితే అనేక ప్రాణాలను రక్షించవచ్చు. భావోద్వేగ సమస్యలను దాచిపెట్టకుండా మాట్లాడడం, నమ్మకమైన వ్యక్తులతో పంచుకోవడం ఉపశమనాన్ని ఇస్తుంది. మానసిక ఆరోగ్యం కూడా శారీరక ఆరోగ్యంతో సమానంగా ముఖ్యమని గుర్తించాలి.

Read hindi news: hindi.vaartha.com

Epaper: epaper.vaartha.com