ప్రస్తుతం ఆరోగ్యానికి అధిక ప్రాముఖ్యత ఇస్తున్న ఈ కాలంలో చియా సీడ్స్ అనేవి ఒక అద్భుతమైన పోషకాహార వనరుగా నిలుస్తున్నాయి. ఈ చిన్న గింజలలో ఉండే పోషక విలువలు శరీరానికి ఎన్నో రకాల లాభాలను అందిస్తాయి. ముఖ్యంగా ఒమేగా-3 ఫ్యాటీ యాసిడ్స్ చియా సీడ్స్లో విపరీతంగా లభిస్తాయి. వైద్య నిపుణుల చెబుతున్న ప్రకారం, ఇవి గుండెకు మేలు చేసే మంచి కొవ్వులుగా పని చేస్తాయి. మెదడు ఆరోగ్యాన్ని మెరుగుపరచడంలో కూడా ఇవి కీలక పాత్ర పోషిస్తాయి.
100 గ్రాముల చియా సీడ్స్లో 18 గ్రాముల ఒమేగా-3 ఫ్యాట్స్
సాధారణంగా చేపల్లో ఒమేగా-3 ఫ్యాటీ యాసిడ్స్ లభిస్తాయని మనకు తెలుసు. అయితే 100 గ్రాముల చేపల్లో 200-300 మిల్లిగ్రాముల ఒమేగా ఫ్యాట్స్ ఉండగా, అదే 100 గ్రాముల చియా సీడ్స్లో 18 గ్రాముల ఒమేగా-3 ఫ్యాట్స్ ఉండటం ఆశ్చర్యానికి గురి చేస్తుంది. ఇది శాకాహారులకు ఒక గొప్ప ప్రత్యామ్నాయంగా చెప్పుకోవచ్చు. ఎలాంటి జంతుఉత్పత్తులు తీసుకోకుండా కూడా శరీరానికి అవసరమైన ఫ్యాటీ యాసిడ్స్ అందుకోవచ్చు.
గుండె సంబంధిత రోగాల ప్రమాదాన్ని తగ్గిస్తుంది
రోజూ ఉదయం లేదా రాత్రి ఆహారానికి ముందు 2 స్పూన్ల చియా సీడ్స్ను నీటిలో నానబెట్టి తీసుకోవడం ద్వారా గుండె ఆరోగ్యం మెరుగవుతుంది. ఇవి రక్తంలోని మంచి కొవ్వులను పెంచి, చెడు కొవ్వులను తగ్గిస్తాయి. గుండె సంబంధిత రోగాల ప్రమాదాన్ని తగ్గించడంలో సహాయపడతాయి. ఇలా ఆరోగ్యకరమైన జీవనశైలి భాగంగా చియా సీడ్స్ను చేర్చుకోవడం మన ఆరోగ్య భద్రత కోసం ఎంతో అవసరం.
