వైద్య రంగంలో మరో అద్భుతం ఆవిష్కృతమైంది. విరిగిన ఎముకలను( bones) అతికించడానికి గంటల తరబడి జరిగే శస్త్రచికిత్సలు, స్టీల్ ప్లేట్లు, స్క్రూలు అవసరం లేకుండా, కేవలం మూడు నిమిషాల్లోనే సరిచేసే ఒక ప్రత్యేకమైన ‘బోన్ గ్లూ’ను చైనా శాస్త్రవేత్తలు అభివృద్ధి చేశారు. ఇది ఆర్థోపెడిక్స్ విభాగంలో ఒక విప్లవాత్మక మార్పుగా నిపుణులు అభివర్ణిస్తున్నారు.
ఆల్చిప్పల నుంచి ప్రేరణ, ‘బోన్ 02’ ఆవిష్కరణ
తూర్పు చైనాలోని(China) షెజాంగ్ ప్రావిన్స్కు చెందిన పరిశోధకులు ‘బోన్ 02’ అనే పేరుతో ఈ సరికొత్త జిగురును రూపొందించారు. సముద్రంలోని ఆల్చిప్పలు నీటి అడుగున దేనికైనా బలంగా అతుక్కుపోయే గుణం నుంచి ప్రేరణ పొంది దీన్ని తయారు చేయడం విశేషం. ఈ పరిశోధన బృందానికి నాయకత్వం వహించిన సర్ రన్ రన్ షా ఆసుపత్రి అసోసియేట్(Associate) చీఫ్ ఆర్థోపెడిక్ సర్జన్ లిన్ షాన్ఫింగ్ మాట్లాడుతూ, “కొత్తగా అభివృద్ధి చేసిన ఈ గ్లూ, కేవలం రెండు లేదా మూడు నిమిషాల్లోనే విరిగిన ఎముకలను అతికిస్తుంది. తీవ్రమైన రక్తస్రావం జరుగుతున్న ప్రదేశంలో కూడా ఇది ఎంతో సమర్థవంతంగా పనిచేస్తుంది” అని వివరించారు.
సాంప్రదాయ చికిత్సకు ప్రత్యామ్నాయం
సాంప్రదాయ పద్ధతుల్లో ఎముకల ఆపరేషన్ కోసం రోగి శరీరానికి పెద్ద కోత పెట్టాల్సి ఉంటుంది. లోపల స్టీల్ ప్లేట్లు లేదా రాడ్లు అమర్చడం వల్ల కోలుకోవడానికి ఎక్కువ సమయం పడుతుంది. కానీ, ఈ కొత్త బోన్ గ్లూను సూది ద్వారా సులభంగా విరిగిన ప్రదేశంలోకి ఇంజెక్ట్ చేయవచ్చు. దీనివల్ల పెద్ద కోతల అవసరం ఉండదు, ఆపరేషన్ సమయం గణనీయంగా తగ్గుతుంది. నీరు, రక్తం ఉన్న ప్రదేశంలో కూడా ఇది తన పటుత్వాన్ని కోల్పోకుండా బలమైన బంధాన్ని ఏర్పరుస్తుంది. ఈ ఆవిష్కరణ ఆర్థోపెడిక్ చికిత్సల స్వరూపాన్నే మార్చేస్తుందని పరిశోధకులు ఆశాభావం వ్యక్తం చేస్తున్నారు.
చైనా శాస్త్రవేత్తలు అభివృద్ధి చేసిన కొత్త ఆవిష్కరణ ఏమిటి?
మూడు నిమిషాల్లో ఎముకలను అతికించే ‘బోన్ గ్లూ’ను వారు అభివృద్ధి చేశారు.
ఈ బోన్ గ్లూ ఏ పదార్థం నుండి ప్రేరణ పొందింది?
సముద్రంలోని ఆల్చిప్పలు అతుక్కునే గుణం నుండి ప్రేరణ పొంది ఈ జిగురును రూపొందించారు.
Read hindi news: hindi.vaartha.com
Read also:
