ఇప్పటి యువత ఎక్కువగా శారీరక(Health) శ్రమ తక్కువగా ఉండే ఉద్యోగాలను ఎంచుకుంటున్నారు. గంటల తరబడి కంప్యూటర్ ముందు కూర్చుని పని చేయడం సాధారణంగా మారింది. అయితే ఈ అలవాటు ఆరోగ్యానికి తీవ్రమైన ముప్పు తెచ్చిపెడుతోందని వైద్య నిపుణులు హెచ్చరిస్తున్నారు. చెన్నై సిమ్స్ హాస్పిటల్లో సీనియర్ కన్సల్టెంట్, సర్జికల్ గ్యాస్ట్రోఎంటరాలజిస్ట్ డాక్టర్ సెంథిల్ గణేషన్ మాట్లాడుతూ — ఎక్కువసేపు కూర్చోవడం వల్ల పేగు పనితీరు దెబ్బతింటుందని, దీని ప్రభావం వెన్నునొప్పి, గుండె ఆరోగ్యం, జీర్ణక్రియలపై కూడా పడుతుందని తెలిపారు.
Read Also: Bigg Boss 9:ఐదో వారం ఫైర్ స్టామ్ & షాకింగ్ టాస్కులు
పేగు ఆరోగ్యం ఎందుకు దెబ్బతింటుంది?
మన జీర్ణవ్యవస్థ సజావుగా పనిచేయాలంటే పెరిస్టాల్సిస్ (పేగుల కదలిక) సక్రమంగా జరగాలి. కానీ గంటల తరబడి కుర్చీలో కూర్చోవడం వల్ల ఈ కదలిక మందగిస్తుంది. దీంతో ఉబ్బరం, మలబద్ధకం, అసౌకర్యం వంటి సమస్యలు వస్తాయి. అలాగే, పేగుల చలనాన్ని తగ్గించడం వలన బ్యాక్టీరియా సమతుల్యత దెబ్బతింటుంది. ఇది శరీరంలో(Health) ఇన్ఫ్లమేషన్(Inflammation) (మంటలు) పెంచి, అలసటను పెంచుతుంది. ముఖ్యంగా అధిక కొవ్వు, అధిక కేలరీల ఆహారం తిన్న తర్వాత వెంటనే కూర్చోవడం పేగులకు మరింత ప్రమాదకరం.
పేగు ఆరోగ్యాన్ని కాపాడే చిట్కాలు
- ప్రతి 45 నిమిషాలకు ఒకసారి లేచి కదలండి
- రోజూ కనీసం 30 నిమిషాలు వ్యాయామం చేయండి
- తగినంత నీరు త్రాగండి
- ఫైబర్ అధికంగా ఉన్న ఆహారం తీసుకోండి
- పనిలో విరామాలు తీసుకుంటూ స్ట్రెచింగ్ వ్యాయామాలు చేయండి
ఎక్కువసేపు కూర్చోవడం వల్ల ఏ ఆరోగ్య సమస్యలు వస్తాయి?
వెన్నునొప్పి, మలబద్ధకం, ఉబ్బరం, గుండె వ్యాధులు, జీర్ణ సమస్యలు వస్తాయి.
పేగు ఆరోగ్యం కాపాడుకోవాలంటే ఏమి చేయాలి?
తరచూ లేచి కదలడం, నీరు ఎక్కువగా త్రాగడం, ఫైబర్ ఆహారం తినడం, వ్యాయామం చేయడం అవసరం.
Read hindi news: hindi.vaartha.com
Epaper : https://epaper.vaartha.com/
Read Also:
