మన శరీరానికి అవసరమైన పోషకాల్లో ఫైబర్ (Fiber) ఎంతో కీలకమైనది. ఇది కేవలం జీర్ణవ్యవస్థను మెరుగుపరచడమే కాకుండా, మొత్తం శరీర పనితీరును సమతుల్యం చేస్తుంది. ఫైబర్ ప్రధానంగా రెండు రకాలుగా ఉంటుంది — సాల్యూబుల్ ఫైబర్ (Soluble Fiber), ఇన్సాల్యూబుల్ ఫైబర్ (Insoluble Fiber).
read also: Mari Selvaraj: గొప్ప మనసు చాటుకున్న కోలీవుడ్ డైరెక్టర్
ఫైబర్ రకాల పనితీరు
- సాల్యూబుల్ ఫైబర్: నీటిలో కరిగి జెల్లా మారుతుంది. ఇది రక్తంలో చక్కెర స్థాయిని నియంత్రించి, కొలెస్ట్రాల్ను తగ్గిస్తుంది. ఈ ఫైబర్ ఎక్కువగా ఓట్స్, యాపిల్, నారింజ, క్యారెట్, బీన్స్ వంటి ఆహారాల్లో లభిస్తుంది.
- ఇన్సాల్యూబుల్ ఫైబర్: నీటిలో కరగదు. ఇది జీర్ణవ్యవస్థలో ఆహార గమనాన్ని వేగవంతం చేస్తుంది, మలబద్ధకాన్ని నివారిస్తుంది. ఇది గోధుమ రవ్వ, పప్పులు, బ్రౌన్ రైస్, కూరగాయల్లో ఎక్కువగా ఉంటుంది.
ఫైబర్ ప్రయోజనాలు
- జీర్ణక్రియ మెరుగుపరుస్తుంది: ఫైబర్(Fiber) వల్ల గ్యాస్, అసిడిటీ, ఉబ్బరం, మలబద్ధకం వంటి సమస్యలు తగ్గుతాయి.
- హృదయ ఆరోగ్యాన్ని కాపాడుతుంది: ఫైబర్ కొలెస్ట్రాల్ను తగ్గించి, గుండె సంబంధిత వ్యాధుల ప్రమాదాన్ని తగ్గిస్తుంది.
- షుగర్, బీపీ నియంత్రణలో ఉంచుతుంది: ఫైబర్ ఎక్కువగా ఉండే ఆహారం గ్లూకోజ్ స్థాయిని స్థిరంగా ఉంచుతుంది.
- బరువు నియంత్రణలో సహాయపడుతుంది: ఫైబర్ ఉన్న ఆహారం ఎక్కువ సేపు తృప్తి కలిగిస్తుంది, దీని వలన ఎక్కువ తినే అలవాటు తగ్గుతుంది.
రోజువారీ అవసరమైన ఫైబర్ పరిమాణం
- పురుషులు: రోజుకు 30 గ్రాములు
- స్త్రీలు: రోజుకు 25 గ్రాములు
- 2–5 ఏళ్ల పిల్లలు: రోజుకు 15 గ్రాములు
- 5–11 ఏళ్ల పిల్లలు: రోజుకు 20 గ్రాములు
ఫైబర్ తీసుకోవాల్సిన సహజ వనరులు
- గోధుమ రవ్వ, ఓట్స్, బ్రౌన్ రైస్
- పండ్లు (యాపిల్, బొప్పాయి, అరటి, సపోటా)
- కూరగాయలు (క్యారెట్, పాలకూర, బ్రోకలీ, బీట్రూట్)
- పప్పులు, చనగలు, శనగలు
- డ్రైఫ్రూట్స్, నట్స
ఫైబర్ తీసుకోవడం ద్వారా కేవలం జీర్ణవ్యవస్థనే కాదు, మొత్తం శరీర ఆరోగ్యం సుస్థిరంగా ఉంటుంది.
Read hindi news: hindi.vaartha.com
Epaper: epaper.vaartha.com/
Read Also:
